მამა შვილზე წლების განმავლობაში სექსუალურად ძალადობდა 

მამა შვილზე წლების განმავლობაში სექსუალურად ძალადობდა 

კუნძულ როდოსზე, ერთი შეხედვით სრულიად ჩვეულებრივ ოჯახში, თხუთმეტი წლის განმავლობაში გოგონას საზარელი საიდუმლოს შენახვა უწევდა.

გოგონაზე საკუთარი მამა მთელი ამ დროის განმავლობაში სექსუალურად ძალადობდა. ამ ყველაფერს კი ფარდა DNA-ის ტესტის ჩატარების შემდეგ აეხადა, როცა დადგინდა, რომ 31 წლის ქალის შვილის მამა, საკუთარი მამა აღმოჩნდა. 

პროკურორმა საქმე არაერთხელ გაუპატიურების, ინცესტის, არასრულწლოვანზე ოჯახური ძალადობის მუხლით აღძრა.

პროკურორისვე ბრძანებით ფსიქოლოგის თანდასწრებით დაიკითხა ძალადობის მსხვერპლი, რომელმაც დეტალურად ისაუბრა 15 წლის განმავლობაში გავლილ ტანჯვაზე. განაცხადა, რომ მამამ მასზე ძალადობა 16 წლის ასაკიდან დაიწყო და მხოლოდ მაშინ შეწყვიტა, როცა გაიგო, რომ მეორე შვილზე იყო ორსულად. ამ საზარელი ისტორიის კიდევ უფრო დამამძიმებელი ფაქტი ის არის, რომ ძალადობის მსხვერპლის ერთ-ერთი შვილის, 3 წლის გოგონას მამა, ძალადობის მსხვერპლის მამაა. 

ახალგაზრდა ქალმა ჩვენებაში განაცხადა, რომ მამას ხელიდან ვერ უსხლტებოდა, არ არსებობდა ადგილი სადაც შეეძლო წასულიყო და დამალულიყო. 

დაკავებულმა უარყო რომ შვილზე 15 წლის განმავლობაში ძალადობდა, თუმცა აღიარა, რომ მხოლოდ ერთი თვის განმავლობაში ჰქონდა სექსუალური კავშირი თავის შილთან და იქვე დასძინა, რომ მის შვილს ამ ყველაფერზე პრობლემა არ ჰქონია და თავადაც სურდა ამის გაკეთება.