ვოლოსი: ნასვამმა მამაკაცმა მეუღლეს მათი 6 წლის ქალიშვილის თანდასწრებით სცემა
საბერძნეთში ბოლო წლებში მომხდარი ინციდენტების გრძელ სიას ოჯახში ძალადობის მომრავლებული შემთხვევებიც ემატება.
ამჯერად ძალადობის მსხვერპლი გახდა 36 წლის ქალი ვოლოსში, რომელსაც ნასვამ მდგომარეობაში მყოფმა მეუღლემ მათი 6 წლის ქალიშვილის თანდასწრებით ფიზიკური შეურაცხყოფა მიაყენა.
შემთხვევა გუშინ, შუადღისას მოხდა- „სერიოზული პრობლემა მაქვს, ძალიან მთვრალი ვიყავი და არაფერი მახსოვს, მე ეჭვი არ მეპარება, რომ ეს მოხდა, მაგრამ არ მახსოვს“, – განაცხადა დაკავებულმა მამაკაცმა.
მომხდარმა მძიმე ფსიქოლოგიური ტრავმა მიაყენა 6 წლის ბავშვს, რომელიც უყურებდა თუ როგორც ცდილობდა მისი დედა განრისხებული მამისგან თავის დაღწევას, როდესაც მას სცემდა.
საბოლოოდ გადაწყდა, რომ დაიწყოს კრიმინალური მედიაციის პროცესი, რათა მათ ურთიერთობას მეორე შანსი მისცენ, იმ პირობით, რომ 40 წლის მამაკაცი მკურნალობას დაიწყებს, რადგან როგორც თვითონაც აღიარებს ალკოჰოლთან დაკავშირებით პრობლემები აქვს.
