რას ითვალისწინებს უცნობი ჯარისკაცის ძეგლთან დაკავშირებული საკანონმდებლო ცვლილებები
რას ითვალისწინებს უცნობი ჯარისკაცის ძეგლთან დაკავშირებული საკანონმდებლო ცვლილებები
მნიშვნელოვან პოლიტიკურ დებატებს გამოიწვევს საბერძნეთის პრემიერ მინისტრის, კირიაკოს მიცოტაკისის გადაწყვეტილება, გადასცეს უცნობი ჯარისკაცის ძეგლის მოვლა-პატრონობა, დასუფთავების პასუხისმგებლობა თავდაცვის ეროვნულ სამინისტროს.
ტემბის ტრაგედიაში დაღუპული სტუდენტის მამის, პანოს რუცის შიმშილობის საპროტესტო აქციის მსვლელობის დროს გაბატონებული სურათი გუშინ საღამოსაც განმეორდა. ტემბის ტრაგედიაში გარდაცვლილთა ნათესავებმა ახალგაზრდების სახელები წითელი საღებავით ისევ ჩამოწერეს პარლამენტის წინ, უცნობი ჯარისკაცის ძეგლთან.
ეს იყო ბოლო წვეთი პრემიერ მინისტრისთვის, რათა მიეღო გადაწყვეტილება წაეყენებინა საკანონმდებლო ინიციატივა, რომელიც აღკვეთს ძეგლის თვითნებური ექსპლუატაციის შემთხვევებს.
აღნიშნული ინიციატივა პარლამენტში სამშაბათს, 21 ოქტომბერს შევა.
კანონპროექტი, რომელიც უკვე პრემიერ მინისტრის გენერალური მდივნის, სტელიოს კუტნაძის ოფისში დევს, ითვალისწინებს უცნობი ჯარისკაცის ძეგლის მიმდებარე ტერიტორიაზე ყველანაირი პროტესტისა და დემონსტრაციის გამართვის, ბანერის აღმართვისა და გრაფიკის დახატვის აკრძალვას.
პავლოს მარინაკისმა განაცხადა, რომ ტემბის ტრაგედიაში დაღუპული ახალგაზრდების სახელები მთავრობის მიერ არ წაიშლება. მათ წაშლის დრო და ბუნებრივი მოვლენები.
