გაათავისუფლეს 17 წლის ბიჭი, რომელმაც საკუთარი მამის მკვლელობა აღიარა

გაათავისუფლეს 17 წლის ბიჭი, რომელმაც საკუთარი მამის მკვლელობა აღიარა

მრავალსაათიანი დაკითხვის შემდეგ პროკურორმა 17 წლის ბიჭის გათავისუფლების განკარგულება გასცა.

შეგახსენებთ, რომ არასრულწლოვანმა დაკითხვისას აღიარა, რომ 26 თებერვალს მამამისს სასიკვდილო ჭრილობა მიაყენა ტავის არეში. 

პროკურორმა და გამომძიებელმა არასრულწლოვანი იმ პირობით გაათავისუფლეს, რომ ფსიქოლოგთან გაივლის თერაპიას.

გავრცელებული ინფორმაციის თანახმად 17 წლის ბიჭმა გამომძიებელს დეტალურად უამბო მამასთან მომხდარი ჩხუბის დეტალები და განაცხადა, რომ განზრახული არ ჰქონია მისი მკვლელობა.

ჩვენებაში არასრულწლოვანმა განაცხადა, რომ ბავშვობიდან იყო ძალადობის მსხვერლი, 7 წლიდან უწევდა ავტოფარეხში მუშაობა და იმყოფებოდა პედოფსიქოლოგის მეთვალყურეობის ქვეშ.

მამა-შვილს შორის არსებული გაუგებრობისა და ჩხუბების შესახებ უკვე წლებია საქმის კურსში იყო ბავშვთა დაცვის ორგანიზაციაც და ადგილობრივი პოლიციაც.