3 თვის განმავლობაში წვავდნენ და კბენდნენ 10 თვის ბავშვს

3 თვის განმავლობაში წვავდნენ და კბენდნენ 10 თვის ბავშვს

9 აპრილიდან დროებითი დაკავების საკანში არიან მოთავსებულები 10 თვის ბავშვის დედა და მისი პარტნიორი, რომლებსაც ბავშვის წამებაში ედებათ ბრალი.

გამოძიება ვარაუდობს, რომ სწორედ ბავშვის დედის პარტნიორი წვავდა და კბენდა ჩვილს.

წინასწარ პატიმრობაში დატოვების განკარგულება ექსპერტების დასკვნის გამოქვეყნების შემდეგ გაიცა, რომლის თანახმადაც გოგონას აღენიშნება ადამიანის მიერ მიყენებული დაზიანებები: დამწვრობები სხეულის არეში და ნაკბენები.

patrisnews.com-ის მიერ გავრცელებული ინფორმაციის თანახმად ჩვილს 40-ზე მეტი ჭრილობა აღენიშნება. დამწვრობები კი სიგარეტით აქვს მიყენებული.

ბავშვის დედამ განაცხადა, რომ მისი გაჩუმების მიზეზი შიში გახდა. სწორედ ამიტომ არ შეიტანა საჩივარი, რადგან ეშინოდა მისი პარტნიორის.