აღდგომა საბერძნეთში: ტრადიციები ნავპაკტოდან კერკირამდე
აღდგომა საბერძნეთში: ტრადიციები ნავპაკტოდან კერკირამდე
აღდგომა საბერძნეთში ყველაზე მნიშვნელოვანი რელიგიური დღესასწაულია, რომელიც მოიცავს მართლმადიდებლურ ტრადიციებისა და მდიდარი ხალხური წეს-ჩვეულებების ერთობას, რომლებიც თაობიდან თაობას გადაეცემა.
ქვეყნის თითოეული რეგიონი ინარჩუნებს საკუთარ განსაკუთრებულ წეს-ჩვეულებას.
მაგალითად ნავპაკტოში დიდი პარასკევის საღამოს, ვენეციური ნავსადგური იშვიათი სილამაზისა და ემოციების მქონე სცენად გარდაიქმნება. გალავანზე ათობით ანთებული ჩირაღდანი და ცეცხლმოკიდებული კვარი უნიკალურ სანახაობას ქმნის.
პარალელურად აღრინიოში ფეიერვერკებით ბრძოლა იმართება.
“ხალკუნის” ბრძოლისთვის მომზადება ორი თვით ადრე იწყება. ამ დღისთვის ამზადებენ ხელნაკეთ ასაფეთქებელ ნივთიერებებს. რაც შეეხება ჩვეულების ისტორიას, თურქების მმართველობის წლებს უკავშირდება, როდესაც აღრინიოს მოსახლეობა ეპიტაფიის მსვლელობის დროს ხელნაკეთ მაშხალებს ანთებდა, თურქების განდევნის მიზნით.
კუნძულ კერკირაზე სოფელ ვარიპატადესში პარასკევსა და შაბათს ღამით უკვე 100 წელზე მეტია ლოკოკინებს წვავენ. ცეცხლ მოკიდებულ ლოკოკინებს კი სამეზობლოებში გალავნებზე, კიბეებზე და კედლებზე აწყობენ და ასე ანათებენ სოფლებს. მძიმე მარხვის ბოლო კვირის, მწუხრისა და გლოვის პერიოდში ლოკოკინების შუქი ჩამოწოლილ სიჩუმეს ავსებს და ჯადოსნურ ატმოსფეროს ქმნის.
