Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

გემის ჩაძირვის შემდეგ ტრეფიკინგისთვის დაკავებულ ცხრა ეგვიპტელს ბრალი წაუყენეს

გასულ კვირას საბერძნეთის მახლობლად მიგრანტების გემის კატასტროფის შემდეგ, ტრეფიკინგისთვის დაკავებულ ცხრა ეგვიპტელს ბრალი წაუყენეს. ისინი სასამართლო პროცესამდე პატიმრობაში დარჩებიან.

ეჭვმიტანილები, რომლებიც გასულ კვირას კალამატას პორტში, კატასტროფის შემდეგ დააკავეს 20-დან 40 წლამდე ასაკის არიან და ბრალად ედებათ განზრახ მკვლელობა და კრიმინალური ორგანიზაციის შექმნა. ბრალის დამტკიცების შემთხვევაში მათ უვადო თავისუფლების აღკვეთა ემუქრებათ.

მხოლოდ 104 ეგვიპტელი, პაკისტანელი, სირიელი და პალესტინელი მამაკაცი გადაურჩა ამ საშინელ ტრაგედიას, ნაპოვნია 82 გარდაცვლილის ცხედარი.

გადარჩენილების თქმით გემზე ასევე იმყოფებოდნენ ქალები და ბავშვები, რომლებიც გემის ტრიუმში იყვნენ ჩაკეტილები.

საბერძნეთის ხელისუფლებას ჯერ კიდევ არ აქვს მკაფიო წარმოდგენა, რამდენი ადამიანი იმყოფებოდა გემზე, როდესაც ის ჩაიძირა – შეფასებები მერყეობს 400-დან 700-მდე.

სამშაბათს საბერძნეთის საზღვაო ფლოტის ფრეგატი, საპატრულო ნავი და კიდევ ოთხი ხომალდი პელოპონესის ნახევარკუნძულის წყლებში, სადაც მიგრანტები გაუჩინარდნენ ჯერ კიდევ აწარმოებდნენ ძებნას, მაგრამ ტრაგედიიდან ერთი კვირის შემდეგ ცოცხალი ადამიანის პოვნის იმედი ძალიან მწირია.

კვლავ ჩნდება კითხვები იმის შესახებ, შეიძლებოდა თუ არა მეტის გაკეთება ამ ტრაგედიის თავიდან ასაცილებლად.

საბერძნეთის სანაპირო დაცვა კვლავ თავდაპირველ პოზიციაზე რჩება და აცხადებს, რომ იგი მოქმედებდა საზღვაო კანონმდებლობის შესაბამისად.

სანაპირო დაცვამ თავიდან თქვა, რომ ნავი იტალიისკენ სტაბილურ კურსზე იმყოფებოდა, ამიტომ არ ჩარეულა. მოგვიანებით მან განაცხადა, რომ იგი ცდილობდა მიგრანტთა ნავის დახმარებას თოკის მიმაგრებით, მაგრამ  მიგრანტებმა დახმარებაზე უარი თქვეს.

უფლებადამცველთა ჯგუფები კი  ხაზს უსვამენ, რომ გადარჩენილთა ჩვენებები ეწინააღმდეგება სანაპირო დაცვის ვერსიას მოვლენების განვითარების შესახებ .

თავის მხრივ პაკისტანის ხელისუფლებამ ოთხშაბათს განაცხადა, რომ  გემის ჩაძირვის შემდეგ მათ დააკავეს შვიდი სავარაუდო საკვანძო ფიგურა ადამიანებით ვაჭრობის რგოლში.

პოლიციის განცხადებით რგოლი დაკავებული იყო პაკისტანელების ევროპაში არალეგალური გზით გადაყვანაში.

გარდა ამისა ბოლო რდენიმე დღის განმავლობაში პაკისტანში დააკავეს კიდევ ოცდაათი სხვა ეჭვმიტანილი, რომლებიც იკითხებოდნენ უკანონო მიგრაციის ხელშეწყობაში მონაწილეობისთვის.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *