სალონიკი: სამმა არასრულწლოვანმა მინი მარკეტი გაძარცვა

სალონიკი: სამმა არასრულწლოვანმა მინი მარკეტი გაძარცვა

3 არასრულწლოვნის მიერ ორგანიზებული შეიარაღებული ძარცვის შემთხვევა სალონიკში, კერძოდ ტრიანდრიაში ხუთშაბათს, 21 მაისს გამთენიისას დაფიქსირდა.

მძარცველების ასაკი 15-დან 17 წლამდე მერყეობს და ამჟამად სამივე მათგანი განყოფილებაში, დროებით პატიმრობაში იმყოფება.

ვიდეო მასალაში, რომელიც protothema.gr-მა გაავრცელა ჩანს, თუ როგორ შედის მინიმარკეტში 3 არასრულწლოვანი იარაღით ხელში და ემუქრება თანამშრომელს. 

მინი მარკეტიდან არასრულწლოვნებმა წაიღეს პროდუქტები, სიგარეტი და თანხა სალაროდან.

მძარცველებიდან ერთ-ერთი ყელში სწვდა მოლარეს და იარაღი შუბლზე მიადო მაშინ, როცა მისი ორი თანამზრახველი მარკეტის თაროებიდან პროდუქტს შავ პარკში ყრიდა.

გავრცელებული ინფორმაციის თანახმად მათ 700 ევრო და 10 000 ევროს ოდენობის პროდუქტი გაიტანეს მინი მარკეტიდან.