3000 ევრო ინფორმაციისთვის, რომელიც გამოძიებას დასავლეთ მაკედონიაში 3 დათვის მკვლელობის საქმის გახსნაში დაეხმარება
3000 ევრო ინფორმაციისთვის, რომელიც გამოძიებას დასავლეთ მაკედონიაში 3 დათვის მკვლელობის საქმის გახსნაში დაეხმარება
საბერძნეთის გარემოს დაცვის, ცხოველთა და ნადირობის ფედერაციამ „ნემესისი“ 3 000 ევროს ოდენობის ჯილდო დააწესა ინფორმაციისთვის, რომელიც დასავლეთ მაკედონიაში სამი დათვის დაღუპვაზე პასუხისმგებელი პირების გამოვლენას შეუწყობს ხელს.
3 დათვის რამდენიმე საათის ინტერვალით გარდაცვალებამ საზოგადოებაში დიდი აღშფოთება გამოიწვია. პირველი მსხვერპლი 2,5 თვის დათვის ბელი იყო, რომელიც კოზანის რეგიონში გასროლით მოკლეს, დათვის ბელს ზურგში ჰქონდა ტყვია მოხვედრილი. მეორე შემთხვევაში ფლორინაში დაფიქსირდა სადაც იმავე მეთოდით მოკლეს 8 წლის დათვი.
მესამე მსხვერპლი იყო დათვი სახელად კირკი, რომელიც 2025 წელს ავტოსაგზაო შემთხვევის შემდეგ გადაარჩინეს, უმკურნალეს და რამდენიმე დღის წინ ბუნებაში დააბრუნეს. თუმცა 13 ივნისს ის ფლორინას რაიონში მოწამლული სატყუარას მიღების შედეგად მკვდარი იპოვეს.
გარემოსდაცვითი ორგანიზაციები აცხადებენ, რომ მსგავსი დანაშაულები ხშირად დაუსჯელი რჩება და ხელისუფლებას მოუწოდებენ, აქტიურად გამოიძიოს საქმეები და დამნაშავეები პასუხისგებაში მისცეს. მათი შეფასებით, ეს შემთხვევები კიდევ ერთხელ აჩვენებს ველური ბუნების დაცვის გაძლიერების აუცილებლობას.
