ევროკომისიამ საბერძნეთში მიგრაციის ახალი პაქტის განხორციელება დადებითად შეაფასა
ევროკომისიამ საბერძნეთში მიგრაციის ახალი პაქტის განხორციელება დადებითად შეაფასა
ევროკომისიამ საბერძნეთში მიგრაციისა და თავშესაფრის ახალი პაქტის შედეგები დადებითად შეაფასა. ანგარიშის მიხედვით, ქვეყანამ წარსულში არსებული პრაქტიკის გამოსწორება დაიწყო და მზად არის ახალი წესების ეფექტიანად შესასრულებლად.
კომისიის ინფორმაციით, საბერძნეთმა უკვე მიიღო აუცილებელი საკანონმდებლო ცვლილებები, შეიმუშავა სამუშაო ინსტრუქციები, გადაამზადა პასუხისმგებელი უწყებების თანამშრომლები, სადაც ამჟამად 69 ადამიანი მუშაობს. სამინისტრო კიდევ 116 თანამშრომლის აყვანას გეგმავს.
ასევე დასრულებულია ეროვნული საინფორმაციო სისტემების ახალ Eurodac-თან დაკავშირება, რაც თავშესაფრის განაცხადების მიღება/განხილვის უფრო ეფექტიან მართვას უზრუნველყოფს.
ევროკომისიის შეფასებით საბერძნეთი აღარ არიდებს თავს განიხილოს თავშესაფრის მოთხოვნის განცხადებები, რომელთა მიღებაც ქვეყანას ევროკავშირის მითითებებით აქვს დაკისრებული. ამასთანავე საბერძნეთს ახალი რეგულაციების საფუძველზე არცერთი მოთხოვნა არ დაუბლოკავს.
ანგარიში მოიცავს 12 ივნისიდან 7 ივლისამდე პერიოდს და შეეხება მიგრაციული ზეწოლის ქვეშ მყოფ ოთხ ქვეყანას: საბერძნეთს, კვიპროსს, იტალიასა და ესპანეთს. შეფასების მიხედვით კვიპროსი და ესპანეთი უკვე სრულად ასრულებენ ახალ წესებს, ხოლო იტალიას სისტემის სრულად ამოქმედებისთვის დამატებითი ნაბიჯების გადადგმა სჭირდება.
