არეულობა თესალონიკში გაზის გაჟონვის გამო- მოსახლეობა ევაკუირებულია

დღეს შუადღისას, სალონიკში , კონკრეტულად ანდრეა პაპანდრეუს ქუჩაზე გაზის მძაფრმა სუნმა ქაოსი გამოიწვია.

ხალხი პანიკურად დარბოდა, რადგან არ იცოდნენ, საიდან მოდიოდა ეს უსიამოვნო სუნი.

გავრცელებული ცნობით, სავარაუდოდ სატელეკომუნიკაციო კომპანიამ , რომელიც ამ ტერიტორიაზე პროექტებს ახორციელებს ოპტიკური ბოჭკოების გასატარებლად, გაზსადენი გახვრიტა და პრობლემა წარმოიშვა.

ადგილობრივების თქმით,  ბუნებრივი აირის მძაფრი სუნი იგრძნობა ორმოცდაათი მეტრის მანძილზეც კი.

პოლიციამ ტერიტორიას ალყა შემოარტყა, ფეხით მოსიარულეთა და მოსახლეობის ევაკუაცია მოახდინა, შემთხვევის ადგილზე კი სამი სახანძრო მანქანა იყო მობილიზებული.

სახანძრო სამსახურის ინფორმაციით, გაზგამანაწილებელმა კომპანიამ დაზიანება დაახლოებით 13:00 საათზე  აღადგინა.

განცხადებაში კომპანია ხაზგასმით აღნიშნავს, რომ მოქალაქეებისთვის შეშფოთების საფუძველი არ არსებობს.