კირიაკოს მიცოტაკის: აგვისტოში დიზელის ფასი კიდევ 10 ცენტით შემცირდება
კირიაკოს მიცოტაკის: აგვისტოში დიზელის ფასი კიდევ 10 ცენტით შემცირდება
საბერძნეთის პრემიერ-მინისტრმა კირიაკოს მიცოტაკისმა განაცხადა, რომ აგვისტოში სახელმწიფოს დაფინანსებით დიზელის ფასი ლიტრზე დამატებით 10 ცენტით შემცირდება. უკვე მოქმედ 5-ცენტიან ფასდაკლებასთან ერთად, საერთო შეღავათი 15 ცენტს მიაღწევს. აღნიშული მიზნის განსახორციელებლად კი 30 მილიონი ევრო გამოიყოფა.
პრემიერის თქმით, გადაწყვეტილება მიღებულია ახლო აღმოსავლეთში მიმდინარე დაძაბულობისა და ენერგომატარებლების ფასების შესაძლო ზრდის ფონზე. მისი მიზანია როგორც პროფესიონალი მძღოლებისა და სატრანსპორტო სექტორის მხარდაჭერა, ისე პროდუქციის გაძვირების შემცირება, რომელიც საწვავის ფასის ზრდას მოჰყვება.
კვირის ანგარიშში მიცოტაკისმა ასევე შეაჯამა მთავრობის სხვა მნიშვნელოვანი ნაბიჯები: დასრულდა E65-ის ავტობანის მშენებლობა, დამტკიცდა 23 მილიარდი ევროს ეროვნული განვითარების პროგრამა, მიღებულ იქნა ახალი სოციალური და საცხოვრებელი პოლიტიკის ზომები, ცვლილებები ქვრივობის პენსიებში, ასევე განათლების, საზოგადოებრივი ტრანსპორტისა და თავდაცვის სფეროებში.
პრემიერის განცხადებით, მთავრობა ეკონომიკური შესაძლებლობების ფარგლებში გააგრძელებს მოქალაქეების მხარდაჭერას საერთაშორისო კრიზისების პირობებში.
