ეგზოტიკური ხილი, რომელიც საბერძნეთის მხოლოდ ერთ კუნძულზე მოჰყავთ

ეგზოტიკური ხილი, რომელიც საბერძნეთის მხოლოდ ერთ კუნძულზე მოჰყავთ

ეგზოტიკური ხილი “გუავა”, რომელიც ძლიერი არომატითა და განსაკუთრებული გემოთი გამოირჩევა, საბერძნეთში მხოლოდ კუნძულ ლეროსზე მოდის. მიუხედავად იმისა, რომ მისი სამშობლო მექსიკა, ცენტრალური და სამხრეთი ამერიკაა, ხილი საბერძნეთში 1950-იან წლებში ეგვიპტიდან დაბრუნებულმა ლეროსელმა მაცხოვრებლებმა ჩამოიტანეს და მას შემდეგ მოჰყავთ.

დღეს კუნძულზე დაახლოებით 3 000-4 000 გუავას ხეა გაშენებული. ადგილობრივად ორი ძირითადი ჯიში გვხვდება: თეთრი და წითელი. ნაყოფი გამოირჩევა ტროპიკული ხილის არომატით, რომელიც ანანასის, ბანანისა და პასიფლორას ნაზავს ჰგავს, ხოლო მისი გემო ტკბილ-მომჟავოა.

გკავაფას არ მიირთმევენ უმად, რადგან ბევრი მაგარი თესლი აქვს. ამიტომ ადგილობრივები მისგან ამზადებენ წვენებს, მურაბებს, ჯემებსა და ჟელეს. განსაკუთრებით პოპულარულია მისი კომბინაცია იოგურტთან ან ნაყინთან ერთად.

ხილი ასევე მდიდარია C ვიტამინით, რომელიც ფორთოხალთან შედარებით დაახლოებით ოთხჯერ მეტია, და შეიცავს კალიუმსა და მაგნიუმსაც. გუავას მოსავლის აღება სექტემბრის დასაწყისში იწყება და ოქტომბრის ბოლომდე გრძელდება, ამიტომ კუნძულ ლეროსის შემოდგომის სტუმრებს მისი დაგემოვნება როგორც ახალი, ისე სხვადასხვა ტრადიციული პროდუქტების სახით შეუძლიათ.