მაღალი ტემპერატურისა და ძლიერი ქარების გამო რისკების შეფასების კომისია შეიკრიბა

მაღალი ტემპერატურისა და ძლიერი ქარების გამო რისკების შეფასების კომისია შეიკრიბა

საბერძნეთში მაღალი ტემპერატურისა და ძლიერი ჩრდილოეთისა და ჩრდილო-აღმოსავლეთის ქარების გამო რისკების შეფასების კომისია შეიკრიბა. შეხვედრას კლიმატური კრიზისისა და სამოქალაქო დაცვის მინისტრი, ევანგელოს ტურნასიც ესწრებოდა.

ექპსერტების პროგნოზით, კვირას, 9 აგვისტოს, თრაკიში, ატიკა-ვიოტიაში, ევიაზე, პელოპონისის აღმოსავლეთ და სამხრეთ ნაწილებში, ეგეოსის ზღვის კუნძულებზე, კიკლადესის კუნძულებსა და კუნძულ კრეტაზე ჩრდილოეთისა და ჩრდილო-აღმოსავლეთის ქარის სიჩქარე 6-7 ბოფორს მიაღწევს.

ორშაბათს, 10 აგვისტოს, ქარი კიდევ უფრო გაძლიერდება. რამდენიმე რეგიონში, მათ შორის ატიკა-ვიოტიაში, ევიაზე, პელოპონისოზე, ეგეოსის ზღვასა და კრეტაზე, ქარის სიჩქარე 7-8 ბოფორს მიაღწევს.

ამასთან, დასავლეთ საბერძნეთში მაღალი ტემპერატურა შენარჩუნდება და ბარომეტრმა შესაძლოა 38-39°C მიაღწიოს.

სამშაბათიდან, 11 აგვისტოდან, კვირის ბოლომდე ქვეყნის რამდენიმე რეგიონში ჩრდილოეთისა და ჩრდილო-აღმოსავლეთის ქარიების სიჩქარე კვლავ 5-7 ბოფორის სიმძლავრის იქნება.

ძლიერი ქარისა და მაღალი ტემპერატურის ფონზე მოსახლეობას განსაკუთრებული სიფრთხილისკენ მოუწოდებენ, განსაკუთრებით ხანძრის მაღალი რისკის რეგიონებში.

რისკების შეფასების კომისია ხანძრის გაჩენის საფრთხის ხელახლა განსახილველად ხვალ, 10:30 საათზე შეიკრიბება.