Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიUncategorized

Marfin-ის საქმე: წინასწარი პატიმრობა შეეფარდა საქმის მესამე ბრალდებულსაც

Marfin-ის საქმე: წინასწარი პატიმრობა შეეფარდა საქმის მესამე ბრალდებულსაც

სასამართლომ Marfin-ის ბანკზე 2010 წლის 5 მაისს გაჩენილი ხანძრის საქმეზე დაკავებული 46 წლის ბერძენი ქალის წინასწარ პატიმრობაში დატოვების გადაწყვეტილება მიიღო. ქალს გამოძიება თავდასხმაში მონაწილე პირების დახმარებას ედავება, თუმცა თავად ბრალდებას უარყოფს და აცხადებს, რომ დანაშაულთან კავშირი არ აქვს.

46 წლის ქალი სამშაბათს, 11 აგვისტოს, გამომძიებელთან დაკითხვაზე გადაიყვანეს. მანამდე მისმა ადვოკატმა, კოსტას პაპადაკისმა, სასამართლოს მრავალგვერდიანი დაცვის მხარის შუამდგომლობა წარუდგინა. დაცვის მხარის განცხადებით, საქმეში არ არსებობს საკმარისი მტკიცებულება, რომელიც დაადასტურებდა ქალის ყოფნას Marfin-ის ბანკთან თავდასხმის მომენტში.

დაკითხვისას ბრალდებულმა განაცხადა, რომ 2010 წლის 5 მაისს ათენში გამართულ დემონსტრაციაში მონაწილეობდა, თუმცა არ მონაწილეობდა ძალადობრივ ინციდენტებში. მისი თქმით, სხვა ბრალდებულებს მხოლოდ ანარქისტული წრეებიდან იცნობდა.

საქმეში დაცვის მხარის ერთ-ერთ მთავარ არგუმენტს ფოტომასალისა და ციფრული მტკიცებულებების ანალიზი წარმოადგენს. ადვოკატის განცხადებით, პოლიციის მიერ ჩატარებული ფოტოგრაფიული ანალიზი პირის ზუსტ იდენტიფიცირებას არ ადასტურებს და მხოლოდ შეზღუდულ მსგავსებაზე მიუთითებს. დაცვის მხარე ასევე აცხადებს, რომ იგივე მასალები 2022 წელსაც იქნა შესწავლილი, რის შემდეგაც საქმე არქივში გადაიგზავნა.

ბრალდებულის ადვოკატის თქმით, ახალი გარემოება, რომელმაც საქმის ხელახალი განხილვა გამოიწვია, ანონიმური ელექტრონული წერილია. დაცვის მხარე მიიჩნევს, რომ წერილი ბუნდოვანია და მასში კონკრეტული დანაშაულებრივი ქმედებები დეტალურად არ არის აღწერილი.

46 წლის ქალი საბერძნეთში რამდენიმე დღის წინ, დიდი ბრიტანეთიდან ექსტრადიციის პროცედურის დასრულების შემდეგ ჩამოიყვანეს. ის ლონდონის გეტვიკის აეროპორტში ინერტპოლის მიერ გაცემული განკარგულების საფუძველზე დააკავეს.

საქმეზე უკვე წინასწარ პატიმრობაში იმყოფება კიდევ ორი, 42 წლის მამაკაცი, რომლებსაც თანამონაწილეობა ედებათ ბრალად. ისინი მალანდრინოსა და ნავპლიოს ციხეებში არიან მოთავსებულები.

Marfin-ის ტრაგედია 2010 წლის 5 მაისს მოხდა. ათენში, სტადიუს ქუჩაზე მდებარე ბანკის ფილიალში გაჩენილ ხანძარს სამი თანამშრომლის სიცოცხლე ემსხვერპლა: ანგელიკი პაპათანასოპულუ, რომელიც ოთხი თვის ორსული იყო, პარასკევა ზულია და ეპამინონდას ცაკალისი.

46 წლის ქალის ადვოკატმა განაცხადა, რომ დაცვის მხარე უახლოეს დღეებში წინასწარი პატიმრობის შესახებ გადაწყვეტილების გასაჩივრებას გეგმავს. მისი თქმით, ბრალდებული გადაწყვეტილებით განსაკუთრებით მძიმე მდგომარეობაში აღმოჩნდა, რადგან ლონდონში მისი შვილი იმყოფება.

დაცვის მხარე კვლავ ამტკიცებს, რომ ქალი უდანაშაულოა და Marfin-ის ტრაგიკულ მოვლენებთან კავშირი არ ჰქონია. საბოლოო გადაწყვეტილება საქმეზე სასამართლოს მიერ უნდა იქნეს მიღებული.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *