როდოსი: გოგონას ყოფილმა შეყვარებულმა 200 ევრო მოსთხოვა – წინააღმდეგ შემთხვევაში მისი პირადი ცხოვრების ამსახველი კადრების მამამისისთვის გაგზავნით დაემუქრა
როდოსი: გოგონას ყოფილმა შეყვარებულმა 200 ევრო მოსთხოვა – წინააღმდეგ შემთხვევაში მისი პირადი ცხოვრების ამსახველი კადრების მამამისისთვის გაგზავნით დაემუქრა
შურისძიებისა და თანხის გამოძალვის მიზნით პორნოგრაფიული მასალის გავრცელებით დაემუქრა ყოფილი შეყვარებული გოგონას კუნძულ როდოსზე.
შეშინებულმა გოგონამ პოლიციას მიმართა და განაცხადა, რომ სამშაბათს დილით მას ყოფილმა პარტნიორმა ფეისბუკის პირად გვერდზე შეტყობინება გაუგზავნა და 200 ევროს ოდენობის თანხა მოსთხოვა. თანხის არ გადარიცხვის შემთხვევაში კი გოგონას პირადი ცხოვრების ამსახველი კადრების მამამისისთვის გაგზავნით დაემუქრა.
გოგონამ ყოფილ პარტნიორს თანხა გადაურიცხა. პოლიციის თანამშრომლებისთვის მიცემულ ჩვენებაში მსხვერპლმა განაცხადა, რომ მსგავს მუქარას ადგილი წარსულშიც ჰქონდა და სხვა დროსაც ჰქონდა გადაურიცხული ყოფილი პარტნიორისთვის თანხა.
