ხალკიდიკში გამართული არაფორმალური გამოფენიდან ხელოვნების ნიმუშები და ორი ქოთნის მცენარე მოიპარეს

რამდენიმე დღის წინ, დაახლოებით დილის 5 საათზე, ხალკიდიკის სოფელ აფიტუში გამართული არაფორმალური გამოფენიდან უცნობმა პირებმა იქ  წარმოდგენილი ექსპონატებიდან თუნუქისგან დამზადებული სამი ქოთანი და ორიც ჩვეულებრივ, უბრალო ქოთანში ჩარგული მცენარე  მოიპარეს. ქურდობის ფაქტი  უსაფრთხოების კამერებმა დააფიქსირეს.

„ნათლად არის დაფიქსირებული მამაკაცი და ორი ქალი როგორ იღებენ სამი თუნუქის და ასევე ორ უბრალო ქოთანს მცენარეებით. ისინი გადაადგილდებოდნენ მანქანით და  ფაქტობრივად მათი მოძრაობებიდან ჩანს, რომ ძარცვის პროცესში ირჩევენ რა წაიღონ, ანუ ჩანს ქალები როგორ მიუთითებენ მამაკაცს რომელი ნიმუში აიღონ, რაც გვაფიქრებინებს, რომ მათ მოპარული ნივთებით პირადი სივრცის გაფორმება სურდათ”-ამბობს მოქანდაკე, თემის ყოფილი პრეზიდენტი და ორიგინალური ღია გალერეის ერთ-ერთი ინიციატორი, ვასილი პავლისი.

ამავე ინფორმაციით, ქურდობის შესახებ მას პოლიციისთვის ოფიციალურად არ მიუმართავს.