Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთისაზოგადოება

ბერძენი მეთევზეები საწვავის ფასის ზრდას აპროტესტებენ

ბერძენი მეთევზეები საწვავის ფასის ზრდას აპროტესტებენ

საბერძნეთში მეთევზეებმა სამუშაობი შეაჩერეს და სრულიად ქვეყნის მასშტაბით თევზის საბითუმო ბაზრებს  დროებით დახურვისკენ მოუწოდეს. მეთევზეები აცხადებენ, რომ საწვავის მკვეთრმა გაძვირებამ და სექტორის სხვა პრობლემებმა მათი საქმიანობა ეკონომიკურად არამდგრადი გახადა.

კერაცინის თევზის ბაზართან ათობით მეთევზე შეიკრიბა და გაჩერებული ნავებით აღნიშნულ მდგომარეობაზე ყურადღების გამახვილება მოითხოვა. მათი განცხადებით, განსაკუთრებით მძიმე მდგომარეობაში არიან როგორც სანაპირო, ისე საშუალო მასშტაბის კომერციული მეთევზეობის წარმომადგენლები.

მეთევზეთა პროფესიული გაერთიანების წარმომადგენლის, ვანგელის არაპაკისის განცხადებით, საშუალო ზომის გემის საწვავის ხარჯი თვეში შესაძლოა 30–50 ათასი ევროთი გაიზარდოს. მისი განმარტებით, თუ გემი დღეში დაახლოებით 1 000 ლიტრ საწვავს მოიხმარს და მისი ფასი ლიტრზე 0,80 ევროთი გაიზარდა, მხოლოდ საწვავზე დამატებითი ხარჯი თვეში დაახლოებით 24 000 ევროს აღწევს. ამას ემატება შესაფუთი მასალების, ყუთებისა და სათევზაო აღჭურვილობის ხარჯები.

მეთევზეები ხელისუფლებისგან საწვავის ხარჯების სუბსიდირებასა და ფინანსურ მხარდაჭერას ითხოვენ, რათა ადგილობრივ ბაზარზე ბერძნული ახალი თევზის მიწოდება გაგრძელდეს და პროდუქტის ფასი მომხმარებლისთვის ხელმისაწვდომი დარჩეს.

სანაპირო მეთევზეობისა და სათევზაო ტურიზმის მფლობელთა გაერთიანების ხელმძღვანელი ნიკოლაოს სტამულოსი აცხადებს, რომ სექტორი მძიმე მდგომარეობაშია. მისი თქმით, პრობლემას საწვავის ფასის გარდა ზღვაშ მომრავლებული ლაღოკეფალი და დელფინების მიერ გამოწვეული ზარალიც ართულებს. მან ასევე გააკეთა განცხადება თურქული თევზის მზარდი იმპორტისა და თევზჭერის შესახებ.

აქციას მხარი დაუჭირეს სახალხო ბაზრების წარმომადგენლებმაც. მათი განცხადებით, სოფლის მეურნეობისა და მეთევზეობის სექტორებში მაღალი ხარჯები ადგილობრივ მწარმოებლებს საქმიანობის დატოვებისკენ უბიძგებს.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *