Latest news
ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა საბერძნეთის სახელმწიფო საბჭოს ვიცე პრეზიდენტი: არ ვიზიარებ მერების წინასწარ უარყოფით დამოკიდებულებას ზეფირი: „კოლეგის გადარჩენა ვცადე, მაგრამ ჟანგბადი გამითავდა“  კოლონოს: ილიას მიხოსი სასამართლოში გადაიყვანეს ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის...
ორშაბათი, ნოემბერი 16, 2026
საბერძნეთისაზოგადოება

ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან

ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან

წელს პირველად გახდა ხელმისაწვდომი 1974 წლის 17 ნოემბრის, ათენის პოლიტექნიკური უნივერსიტეტის აჯანყების პირველი წლისთავის ამსახველი ისტორიული ვიდეო.

ცხრა წუთიანი ჩანაწერი ათენის ეროვნულ ტექნიკურ უნივერსიტეტში (ΕΜΠ) არქიტექტურის ფაკულტეტმა გამოაქვეყნა. ვიდეო შემთხვევით აღმოაჩინეს ფაკულტეტის შენობის სარდაფში, სადაც ფოტოლაბორატორიის ყოფილი თანამშრომლის, იანნის სიმირიოტისის მიერ გადაღებული კინოფირები ინახებოდა. მასალა აღადგინეს და ციფრულ ფორმატში გადაიტანეს საბერძნეთის საზოგადოებრივი მაუწყებლის (ΕΡΤ) არქივის თანამშრომლების დახმარებით.

ვიდეოში ჩანს პოლიტექნიკური უნივერსიტეტის ჭიშკართან შეკრებილი ათასობით ადამიანი, რომლებსაც დაღუპულთა ხსოვნის პატივსაცემად ყვავილები, სანთლები და წერილები მიაქვთ. ჩანაწერში ასევე წარმოდგენილია დაღუპულთა ოჯახის წევრების მოგონებები და უნივერსიტეტის ავეროფის შენობაში მოწყობილი გამოფენის კადრები.

განსაკუთრებული ყურადღება ეთმობა წამებით დაზარალებულ სამხედრო მოსამსახურეს, სპიროს მუსთაკლისს, რომელიც მძიმე ფიზიკურ მდგომარეობაში, სხვების დახმარებით გადაადგილდება.

ვიდეოს ერთ-ერთი ყველაზე შთამბეჭდავი ეპიზოდია პოლიტექნიკური უნივერსიტეტის კიბეებზე შეკრებილი ხალხის წინაშე ცნობილი ბერძენი მომღერლების, ნიკოს ქსილურისის, მარია ფარანდურისა და ანტონის კალოიანისის გამოსვლა. ისინი მიკი თეოდორაკისის სიმღერას „არ დაივიწყო ოროპო“ (Μην ξεχνάς τον Ωρωπό) ასრულებენ.

ჩანაწერი ასევე ასახავს აჯანყების წლისთავისადმი მიძღვნილ მასშტაბურ მსვლელობას, რომელშიც ათასობით ადამიანი მონაწილეობდა. დემონსტრანტებს ხელში ბანერები და პლაკატები ეჭირათ, სკანდირებდნენ ლოზუნგებს, ხოლო ნაწილი ცოცხალ ჯაჭვს ქმნიდა.

ვიდეო 1974 წლის ისტორიული მოვლენების უნიკალურ კადრებს ინახავს და იმ პერიოდის საზოგადოებრივ განწყობას ასახავს.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *