სექტემბრიდან საბერძნეთში ახალი პირადობის მოწმობები გაიცემა

სამოქალაქო დაცვის მინისტრის, ნოტის მიტარაკის განცხადებით საბერძნეთში სულ მალე, ახალი პირადობის მოწმობები გაიცემა.

საკრედიტო ბარათის ზომის და ფორმის პირადობის მოწმობების გაცემა დაიწყება სექტემბრიდან მათთვის, ვინც ახლა იღებს მას.

რაც შეეხება ძველ პირადობის მოწმობებს, მინისტრის განცხადებით “ისინი მოქმედებს 10 წლის ვადით, ხოლო  სამოგზაურო დოკუმენტის- პასპორტის მოქმედების ვადა იყო 5 წელი. ამჯერად ახალი პირადობის მოწმობა ავტომატურად წარმოადგენს ოფიციალურ სამოგზაურო  დოკუმენტსაც.

შესაბამისად პირადობის მოწმობაც და პასპორტიც გაიცემა საერთო აპლიკაციით ყოველ 10 წელიწადში ერთხელ, ერთი და იგივე სისტემიდან.

არ არის განზრახული, რომ შეიცვალოს ახალი პირადობის მოწმობის გაცემის საფასური და არც პასპორტის ღირებულება”- აღნიშნა ბატონმა მიტარაკიმ.