სადაც სიყვარულია იქ ასაკი უბრალოდ ციფრებია-82 წლის პარასკიო 41 წლის კოსტიზე დაინიშნა
„ბევრი გამოვა და იტყვის, რომ ჩვენ შეუფერებელი წყვილი ვართ, მაგრამ ნუ იჩქარებთ, სანამ ახლოს არ გაგვიცნობთ!”- ეს სიტყვები 41 წლის კოსტის ეკუთვნის, რომელიც გუშინ 82 წლის პარასკიოზე დაინიშნა . ორივე მეცხოველეობითაა დაკავებული და ცხოვრობს კრიტზე, გორტინას მუნიციპალიტეტის სოფელ კროტოსში .
ნიშნობა კოსტის მეგობრებისა და სოფლის მღვდლის თანდასწრებით შედგა. კოსტი, როგორც პრესა იტყობინება , ყველა სტუმარს მიესალმა, სუფრიდან სუფრაზე გადადიოდა და ყველას უმასპინძლდებოდა.
რაც შეეხება ქორწინებას, ის დიდ გეგმებს აწყობს. „ქორწილის გადახდას ვაპირებ, მინდა მოვიწვიო 2500 ათასი ადამიანი და 100 მეჯვარე მეყოლება“, – ამბობს ის.
წყვილმა ერთმანეთი კოსტის სოფელში გამოჩენის შემდეგ გაიცნო, სადაც ის როგორც მწყესი მივიდა.
„თავიდან პარასკიოზე არ ვფიქრობდი, მაგრამ მერე, რაც დრო გავიდა და უკეთ გავიცანი, რაღაც „გადამიბრუნდა“ და მიუხედავად ასაკობრივი სხვაობისა, მივხვდი, რომ მომეწონა ეს ქალი“, – ამბობს კოსტი, რომელიც დაჟინებით ცდილობდა მისი გულის მოგებას.
კოსტისგან განსხვავებით, რომელმაც პირველი ნაბიჯი გადადგა, პარასკიო უფრო ფრთხილი და თავშეკავებული იყო.
„თავიდან მეგონა, რომ ხუმრობდა, ვუთხარი რომ ერთმანეთს არ შევეფერებოდით, მაგრამ ის უკან არ იხევდა, დავინახე, რომ გულწრფელი იყო და ვუთხარი “კი”, მას შემდეგ ერთად ვართ“.
წყვილს უკვე მომავლის გეგმებიც აქვს-„კოსტიმ მითხრა, რომ სხვადასხვა მიზეზის გამო მასაც არ უნდა შვილები, უბრალოდ უნდა გავერთოთ და გავაერთიანოთ რაც გვაქვს. კარგი ბიჭია, ჯანმრთელობას და კარგად ყოფნას ვუსურვებ, უკვე 15 დღეა ერთად ვცხოვრობთ“, – ამბობს უკვე ქალბატონი პარასკიო ლამბროიანაკისი.
