Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

კრიტი: ირაკლიოს აეროპორტის თანამშრომლები კონდიცირების არარსებობის გამო სამუშაოს შეწყვეტით იმუქრებოდნენ

კრიტზე, ირაკლიოში, ნიკოს კაზანძაკის სახელობის  აეროპორტის თანამშრომლებს ამ ზაფხულს საკმაოდ ექსტრემალურ პირობებში  მოუწიათ მუშაობა კონდიცირების  არარსებობის გამო.

ვითარება, როგორც ჩანს, კრიტიკულ წერტილამდე მივიდა, რადგან პერსონალმა პროტესტის  უკიდურეს ზომას მიმართა და  სამუშაოს შეწყვეტით იმუქრებოდა, რის შედეგადაც კომპეტენტური ორგანოები სასწრაფოდ ჩაერივნენ პრობლემის აღმოსაფხვრელად.

აეროპორტის თანამშრომლები აცხადებდნენ, რომ ზაფხულის მაღალ ტემპერატურაზე კონდიციონერების არარსებობა აუტანელ პირობებს ქმნის ყოველდღიური სამუშაოს შესასრულებლად.

კვირას დილით, პერსონალის ერთობლივი გადაწყვეტილებით, გაგზავნილი იქნა ულტიმატუმი შესაბამის სამსახურთან მოთხოვნით, რომ თუ კონდიცირების საკითხი დაუყოვნებლივ არ მოგვარდებოდა ისინი შეაჩერებდნენ სამუშაო პროცესს. როგორც ჩანს, ამ საფრთხეს მყისიერი შედეგი მოჰყვა.

ულტიმატუმის წაყენების შემდეგ ნახევარ საათზე ნაკლებ დროში “ნიკოს კაზანძაკის” აეროპორტის კონდიცირების სისტემამ მუშაობა დაიწყო და შესაბამისად არა მხოლოდ თანამშრომლებმა გამოხატეს კმაყოფილება პრობლემის მყისიერად მოგვარებით და პირობების გაუმჯობესებით, არამედ აეროპორტში მყოფმა მგზავრებმაც.

როგორც ჩანს, პროტესტის უკიდურესმა ფორმამ გახსნა დიალოგი აეროპორტის მენეჯმენტსა და მუშაკებს შორის, იმ იმედით, რომ განხორციელდება საჭირო გაუმჯობესება ჯანსაღი და უსაფრთხო სამუშაო პირობების უზრუნველსაყოფად.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *