Latest news
ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა საბერძნეთის სახელმწიფო საბჭოს ვიცე პრეზიდენტი: არ ვიზიარებ მერების წინასწარ უარყოფით დამოკიდებულებას ზეფირი: „კოლეგის გადარჩენა ვცადე, მაგრამ ჟანგბადი გამითავდა“  კოლონოს: ილიას მიხოსი სასამართლოში გადაიყვანეს ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის...
ორშაბათი, ნოემბერი 16, 2026
საბერძნეთი

კრიტი:სუროგაციის ცენტრი პოლიციის საგამოძიებო მიკროსკოპის ქვეშ

კრიტზე, ხანიაში, პოლიციამ  ჩვილ ბავშვთა ვაჭრობის საქმეში ჩაბმული დანაშაულებრივი ჯგუფი დააკავა, მათ შორის ორი ექიმი. საქმეში სავარაუდოდ კიდევ ორი მამაკაცი მონაწილეობს, ხოლო მიმდინარეობს გამოძიება შესაძლო თანამზრახველების გამოსავლენად.

საქმე ეხება ჩვილების უკანონო გზით გაშვილებასა და სუროგაციას. გამოძიებას ათენის  ორგანიზებულ დანაშაულთან ბრძოლის განყოფილების დირექტორატი აწარმოებს.

გავრცელებული ცნობით, ჩვილებით ვაჭრობის ბრალდებით დაკავებულებს მედიცინის სფეროში ხანგრძლივი კარიერა აქვთ.

ჩხრეკა ჩატარდა როგორც ექიმების კაბინეტში, ასევე სახლებში. ინფორმაციაში ნათქვამია, რომ ისინი დაინტერესებულ პირებს 70 000 ევრომდე ოდენობის თანხებს სთხოვდნენ. პოლიციის ორგანოები იკვლევენ, ეს ფასები კანონიერია თუ უკანონო.

ბრალდებულთა შორის დასახელებულია გინეკოლოგი, რომელიც, როგორც ამბობენ, ცენტრის ხელმძღვანელია, ემბრიოლოგი, რიგითი თანამშრომლები და უცხოური წარმოშობის სუროგატი ქალები, რომელთა დასაკითხად რუსეთიდან თარჯიმნების დახმარება მოითხოვეს.

აღნიშნული სუროგაციის ცენტრის შესახებ წარსულში ინფორმაციას ავრცელებდა იტალიური პრესაც, სადაც ნათქვამი იყო, რომ ცენტრი არ იცავდა და უხეშად არღვევდა ჩვილთა გაშვილებასთან დაკავშირებულ იურიდიულ პროცედურებს.

პოლიციის ცნობით, სუროგაციით დაინტერესებული ქალებისთვის   აფორმებდნენ თანაცხოვრების ხელშეკრულებას, მუდმივ მაცხოვრებლებად დაფიქსირების მიზნით, რათა პროცედურები გაგრძელებულიყო, რის შემდეგაც  „ქორწინება“ უქმდებოდა და ისინი თავიანთ ქვეყნებში ბრუნდებოდნენ.

 

 

 

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *