ვრცელდება კორონა ვირუსის ახალი მუტაცია “ერისი” – მეცნიერები სექტემბრის გამო შეშფოთებულნი არიან

ჯანდაცვის მსოფლიო ორგანიზაცია შეშფოთებულია კორონავირუსის ახალი EG.5.1 ქვევარიანტის გავრცელებით.  სახელწოდებით “ერისი”, SARS-CoV-2-ის Omicron შტამიდან.

მეცნიერები აკვირდებიან მის მიმოქცევას საზოგადოებაში და დადგინდა, რომ ის სწრაფად ვრცელდება. შემთხვევები უკვე დაფიქსირებულია 51 ქვეყანაში. თუმცა, გამოიწვევს თუ არა ეს Covid-19-ის ახალ ტალღას, ჯერ საუბარი ნაადრევია, ხაზს უსვამენ ისინი. აქამდე არსებული მონაცემებით, ერისის მიერ საზოგადოებრივი ჯანმრთელობისთვის რისკი დაბალია..

“ერისის” ვარიანტმა შეგვახსენა, რომ SARS-CoV-2, მისი მუტაციები და ქვევარიანტები აქ არის” , – ხაზს უსვამს ათენ-პირეუსის საავადმყოფოს ექიმთა ასოციაციის (INAP) პრეზიდენტი მატინა პაგონი. როგორც ის აღნიშნავს, არ არსებობს მითითება, რომ ახალი შტამი უფრო სერიოზულ დაავადებას იწვევს, მისი სიმპტომები მსუბუქია და მდგომარეობა ამჟამად კონტროლის ქვეშაა და ჯანდაცვის სისტემაზე ზეწოლა არ ხდება, თუმცა ის რეკომენდაციას უწევს ადამიანებს, რომლებიც მიეკუთვნებიან მოწყვლად ჯგუფებს (ხანდაზმულები, თანმხლები დაავადებებით დაავადებული) გამოიჩინონ განსაკუთრებული სიფრთხილე და დაიცვან პირადი ჰიგიენის ზომები, რადგან ისინი დიდი რისკის ქვეშ არიან საზოგადოებაში კორონავირუსის გაზრდილი ცირკულაციის გამო.

სამეცნიერო საზოგადოებას განსაკუთრებით აწუხებს შემოდგომა. საზაფხულო არდადეგების და დახურული სკოლების გამო „ერისის“ გავრცელება შენელებულია, მაგრამ სექტემბერში, როდესაც ხალხი სამსახურში ბრუნდება, სკოლები იხსნება და ხალხი მეტ დროს ატარებს შენობაში ამინდის ცვლილების გამო, შეიძლება სიტუაცია გამწვავდეს.

როგორც ქნ-მა პაგონიმ აღნიშნა, აქცენტი უნდა გაკეთდეს მოქალაქეების, განსაკუთრებით დიდი რისკის ქვეშ მყოფთა ინფორმირებაზე, რომ დაიცვან ჯანმრთელობის უსაფრთხოების  ზომები.