სროლა ვულიაგმენის გამზირზე ღამის კლუბში: დაკავებულია ორი პირი

დღეს,  12 აგვისტოს, დილის  05:30 საათზე  ვულიაგმენისის გამზირზე მდებარე პოპულარულ ღამის კლუბში სროლა მოხდა. ამასთან, როგორც ცნობილია, შემთხვევის ადგილზე პოლიციამ ხუთი ტყვია იპოვა.

როგორც თვითმხილველები ამბობენ, კლუბიდან გასულმა მამაკაცმა მოულოდნელად პისტოლეტიდან სროლა დაიწყო, რის შემდეგაც ჯიპით მიიმალა.

შემთხვევის ადგილზე მისულმა პოლიციამ კლუბის შესასვლელში კედელზე ნასროლი ტყვიები აღმოაჩინა. მათ თვითმხილველთა ჩვენებებზე დაყრდნობით, მაშინვე დაიწყეს დამნაშავის მანქანის ძებნა.

ცოტა მოგვიანებით, მანქანა იპოვეს კალითეაში, გაჩერებული თესევსის და ევრიპიდეს ქუჩების კვეთაზე. მანქანაში მამაკაცი და ქალი იმყოფებოდნენ, რომლებიც ადგილზე დააკავეს. მანქანის  ჩხრეკისას ორი პისტოლეტი აღმოაჩინეს.

მომხდარზე წინასწარ გამოძიებას ათენის უსაფრთხოების ქვედირექცია აწარმოებს.