კეფალონია: ბრიტანელი დამსვენებელი სასტუმროში არსებული ანტისანიტარიული მდგომარეობით გამოწვეული მოწამვლის შესახებ აცხადებს
დამსვენებელთა ოჯახი ბრიტანეთიდან აცხადებს, რომ კუნძულ კეფალონიის ხუთვარსკვლავიან სასტუმროში ანტისანიტარიული პირობების გამო მძიმედ დაავადდნენ. როგორც ისინი აღნიშნავენ შეზლონგები თაგვების ექსკრემენტებით იყო დაბინძურებული, ხოლო აუზში ტურისტები აღებინებდნენ.
ქალბატონი დანიელა ფოლკნერი ამბობს, რომ სასტუმროში ყოფნის მეორე დღიდან მას და მის ქალიშვილს დიარეა და ღებინება აწუხებდათ, რის გამოც მათი არდადეგები ჯოჯოხეთად იქცა.
როგორც ის აღნიშნავს, მძიმე ავადმყოფობის გამო იმუნოდეფიციტი აქვს, რის შედეგადაც სასტუმროს ექიმისგან პირველადი დახმარების აღმოჩენამდეც კი გონება დაკარგა.
ქალბატონი ფოლკნერის პრეტენზიებს, როგორც ჩანს, ეხმიანება 35 სხვა დამსვენებელი, რომლებიც ასევე უჩივიან მიუღებელ ჰიგიენურ პირობებს სასტუმროში, რის საპასუხოდაც კერძო სასტუმროს მენეჯმენტი ამტკიცებს, რომ ოჯახი უკვე დაინფიცირებული იყო ვირუსით, როდესაც სასტუმროში დაბინავდნენ და ნომერში იზოლირებაზე უარი თქვეს.
სასტუმროს წარმომადგენლები უარყოფენ საჩივარს: „ადამიანს ყოველთვის უნდა საკუთარი ბრალეულობა სხვაზე გადაიტანოს. აღმოჩნდა, რომ დამსვენებლები ამ ვირუსით სასტუმროში ყოფნისას არ დაავადებულან და ის გარედან იქნა შემოიტანილი.
ვირუსი ჩვენამდე ტურისტებმა მოიტანეს და ხალხმრავალ სასტუმროში როგორც წესი ის სწრაფად გავრცელდა.
ჩვენ ვთხოვეთ სტუმრებს, რომლებიც ავად იყვნენ, დარჩენილიყვნენ თავიანთ ნომრებში, მაგრამ მათმა უმრავლესობამ არ გაითვალისწინა ჩვენი თხოვნა და აუზზე ჩავიდნენ”- აცხადებს საპასუხოდ სასტუმროს წარმომადგენელი.
