Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

აგიტის მღვიმე-საბერძნეთის ყველაზე სანახაობრივი მდინარის მღვიმე ევროპაში

აგიტის მღვიმე არის ერთ-ერთი უდიდესი და ყველაზე თვალწარმტაცი მდინარის მღვიმე მთელ ევროპაში და მდებარეობს ჩრდილოეთ საბერძნეთში, ქალაქ დრამასთან ახლოს.

მღვიმე, რომლის სახელიც მის ძირში გამავალი მდინარიდან იღებს სათავეს, არის წაგრძელებული ფორმის, ბუნებრივად ჩამოყალიბებული გვირაბი, რომელიც ატარებს კატო ნევროკოპის დახურულ აუზში თავმოყრილ წყლებს.

დღემდე შესწავლილია მღვიმის მხოლოდ 8,5 კილომეტრი, საიდანაც ვიზიტორებს შეუძლიათ მხოლოდ 2,5 კილომეტრის დათვალიერება.

გამოქვაბულის პირველი  გამოკვლევა ჩაატარა მარი კუზინერიმ, საფრანგეთის კონსულმა თესალონიკში, რომელიც მოგზაურობდა და იკვლევდა მაკედონიის რეგიონს 40 წლის განმავლობაში მეთვრამეტე საუკუნის ბოლოს.

პენსიაზე გასვლის შემდეგ მან დაწერა წიგნი იმ ტერიტორიის შესახებ, სადაც ის აღწერს გამოქვაბულში ვიზიტს. მან მოინახულა სტრუქტურის მხოლოდ პირველი “დარბაზი”, მაგრამ მიანიჭა მას სახელი “ნიმფიონი”, რადგან ფიქრობდა, რომ ეს იყო წყლის უძველესი ღმერთების თაყვანისცემის ადგილი.

მეცხრამეტე საუკუნეში მღვიმის პირველ, უზარმაზარ დარბაზში დამონტაჟდა წყლის ბორბალი, რომელიც გამოიყენებოდა წყლის დიდ მილში გადასატანად. პირველი მოკლე გვირაბი ამ დროს აშენდა, პირველ დარბაზში გადაადგილების გასაადვილებლად.

მღვიმის წყალი საკმარისად სუფთა იყო და გამოიყენებოდა როგორც სასმელი წყალი ქალაქისთვის, ასევე მახლობლად მდებარე თამბაქოს მინდვრების სარწყავად.

მღვიმის ზედა ნაწილი დაფარულია სტალაქტიტებით, რომელთაგან ზოგიერთის დიამეტრი 2 მეტრია და აღწევს წყლის ზედაპირამდე. მათი ფერები მრავალფეროვანი და თვალწარმტაცია მათში ისეთი მინერალების არსებობის გამო, როგორიცაა მანგანუმი, რკინა და სპილენძი.

განსაკუთრებით შთამბეჭდავია გამოქვაბულის ტერიტორია, რომელსაც „ აკროპოლის დარბაზი“ ჰქვია.

ეს არის ყველაზე დიდი სივრცე, რომელიც ოდესმე აღმოაჩინეს ბერძნულ გამოქვაბულში, სიგრძით 120 მ და 45 მ სიმაღლით. მისი ზომა, სტალაქტიტური დეკორაციები და მის გასწვრივ  მდინარე, რომელიც აფორმირებს მიწისქვეშა ნაპირებს და კლდოვან წარმონაქმნებს, ქმნის მართლაც იდუმალ ატმოსფეროს.

ამ დროისთვის გამოქვაბულის 8 კმ-ზე მეტი არის შესწავლილი, მნახველებს შეუძლიათ გამოქვაბულში შევიდნენ ხელოვნური შესასვლელიდან და გაიარონ დაახლოებით ნახევარი კილომეტრის მანძილი. გამოქვაბულის ზემოთ ჩამოკიდებულ, სხვადასხვა ფორმის, ზომისა და ფერის სტალაქტიტებს წყალზე გადებულ ხიდზე მოსიარულე ვიზიტორები ადვილად წვდებიან ხელით.

მღვიმეში და მის მიმდებარე ტერიტორიაზე სისტემატური არქეოლოგიური გათხრები დაიწყო 1992 წელს და აღმოჩენილია ქვის იარაღები, ისევე როგორც პრეისტორიული ცხოველების ძვლები, როგორიცაა მარტორქა, მეგაკეროსი და მამონტი. მათგან ზოგიერთი მნიშვნელოვანი აღმოჩენა დრამის ახლომდებარე მუზეუმშია გამოფენილი.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *