ფსიქიატრიულ კლინიკაში მოთავსებულმა მამაკაცმა ამავე კლინიკის პაციენტი მოკლა

კორფუს გენერალური საავადმყოფოს ფსიქიატრიული კლინიკის 45 წლის პაციენტმა, რომელიც ფსიქოლოგიური პრობლემების გამო წარსულშიც რამდენჯერმე იმყოფებოდა მოთავსებული კლინიკაში, ხუთშაბათს, საღამოს 22 საათზე, გამოძიების თანახმად, აიღო კალამი და ხის დანა და სახის და კისრის არეში 10-ზე მეტი დარტყმა მიაყენა ამავე კლინიკის პაციენტ 63 წლის ქალს, რომელსაც ამ დროს ეძინა.

შემთხვევის ადგილზე სასწრაფოდ გამოიძახეს პოლიცია, რომელმაც მკვლელობის ჩამდენის  იზოლირება მოახდინა. ასევე, გარდაცვლილს ჩაუტარდა აუტოფსია, რომელმაც დაადასტურა, რომ ქალის გარდაცვალება მოხდა კალმისა და ხის დანის რამდენიმე დარტყმის შედეგად.

ინციდენტის შემდეგ მნიშვნელოვანი კითხვები ჩნდება პაციენტების მეთვალყურეობასთან დაკავშირებით და ამ კონტექსტში სხვა საკითხებთან ერთად, მიმდინარეობს გამოძიება, თუ როგორ მოხვდა 45  წლის მამაკაცი ფსიქიატრიული კლინიკის იმ პალატაში, სადაც მისი მსხვერპლი მკურნალობდა.