იანის კალიანოსი ქურდობის მსხვერპლი გახდა-ფაქტის ამსახველი ვიდეო კადრები და მისი მესიჯი ქურდს
ხუთშაბათს, ღამის 20:40 საათზე, ვულაში, ნეა დემოკრატიის დეპუტატის იანის კალიანოსის საცხოვრებელ სახლში მძარცველი შეიჭრა. დეპუტატმა სათვალთვალო კამერის მიერ დაფიქსირებული ქურდობის ამსახველი 15 წუთიანი ვიდეო ფეისბუქზე გამოაქვეყნა თან დართული პოსტით, სადაც ის საკმაოდ მკაცრი ტონით მიმართავს ქურდს: „მე გპირდები, რომ რამდენიმე დღეში პირადად მნახავ”.
როგორც იანის კალიანოსი თავის პოსტში აღწერს, არეული სახლი პირველად მისმა მეუღლემ ნახა.
„დამირეკა და ყვიროდა – კანკალებდა, ჩვენი შვილი ტიროდა. არც კი ვიცი, როგორ მივედი სახლში, არც მახსოვს, საიდან გავიყვანე მანქანა. იმ ყველაფრისთვის, რაც ჩემმა მეუღლემ და შვილმა გამოიარეს, გპირდები, რომ ამ საქმეს ბოლომდე მივყვები. ეს ადამიანი, რომელიც ჩემს პირად-პირად სივრცეს არ სცემს პატივს და მშობლებისგან ისწავლა, რომ სახლების ძარცვა სწორი საქციელია, სასამართლოს წინაშე დადგება“, – წერს თავის პოსტში იანის კალიანოსი.
იანის კალიანოსის სახლის ძარცვის კადრები:
