Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

28 ბარი დაიკეტა კუნძულ კორფუზე ფალსიფიცირებული სასმელების გაყიდვის და გადასახადებისგან თავის არიდების გამო

ოთხშაბათიდან პარასკევის ჩათვლით, კუნძულ კორფუზე ჩატარდა ორგანიზებული ოპერაცია იმ ბიზნესების იდენტიფიცირებისთვის, რომლებიც თავს არიდებენ გადასახადებს და ყიდიან ფალსიფიცირებულ და კონტრაბანდულ სასმელებს.

ოპერაციაში მონაწილეობდნენ დამოუკიდებელი საჯარო შემოსავლების სამსახურის საგადასახადო და საბაჟო აუდიტორები საბერძნეთის პოლიციის თანამშრომლების დახმარებით.

ინსპექტირება ჩატარდა კუნძულის ყველაზე სამხრეთ წერტილში, კავოსზე, რომელიც ცნობილია ალკოჰოლური ზემოქმედების ქვეშ მყოფი, სხვადასხვა ეროვნების ტურისტების მხიარული წვეულებებით.

ეს არის ტერიტორია, რომელიც არაფორმალურად ითვლება დაუსახლებლად, რის შედეგადაც მრავალი წელია არანაირი შემოწმება არ ჩატარებულა.

ინსპექტორებმა ტერიტორიის რამდენიმე ბარი და რესტორანი ერთდროულად შეამოწმეს, საგადასახადო მუშაკებს სთხოვეს ენახათ, იყო თუ არა ქვითრები მოჭრილო და გაცემული, ხოლო საბაჟოს სამსახურის წარმომადგენლები ამოწმებდნენ სასმელების ფალსიფიცირების ან კონტრაბანდის შესაძლო შემთხვევებს.

მთელი ოპერაციის განმავლობაში, AADE-ს თანამშრომლები უშუალო კავშირში იყვნენ ინსპექტორებთან საოპერაციო ოთახის მეშვეობით და აკონტროლებდნენ ინსპექტირების მიმდინარეობას, იღებდნენ რეალურ დროში ვიდეო და ფოტო მასალას.

კონტროლის შედეგად გამოვლინდა, რომ 26-მა კვების ობიექტმა არ გასცა მინიმუმ 40 578 ქვითარი, საერთო ღირებულებით 267 418 ევრო.

კვების 2 ბიზნესს არ გაუცია 1204 ქვითარი, საერთო ღირებულებით 8252 ევრო.

კვების 7 ობიექტი ყიდდა სასმელებს, რომლებსაც არ ჰქონდათ სხვადასხვა ნომრის აღნიშვნა, შესაბამისად ჩაითვალა კონტრაბანდად. აღებული იქნა ნიმუში 8 დასახელების სასმელიდან, რომელთა შიგთავსიც უკვე გადაეგზავნა სახელმწიფო ექსპერტიზას.

დაფიქსირდა შემთხვევები, როდესაც აუდიტორებმა აღმოაჩინეს, რომ ბარების მეპატრონეები ჭიქებში დარჩენილ სასმელს აგროვებენ,  ბოთლებში ასხამენ და ტურისტებს უმასპინძლდებოდნენ!

აღნიშნული ობიექტები 48 საათით დაიხურა და ჯარიმები დაეკისრათ.

შემოწმებები გრძელდება სხვა ტურისტულ ადგილებშიც.

 

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *