პროფესორი მოსალოდნელ მიწისძვრას პროგნოზირებს

ცნობილი  სეისმოლოგი, პროფესორი გერასიმოს პაპადოპულოსი კორინთოს ყურეში მოსალოდნელ ძლიერ მიწისძვრაზე საუბრობს.

მის მიერ  პრესასთან  მიცემულ ინტერვიუში ის აღნიშნავს, რომ  ძლიერი მიწისძვრები მეორდება ყოველ 25- 30 წელიწადში ერთხელ და აქედან გამომდინარე, რადგან  ეგეოსის ბოლო, ძლიერი მიწისძვრიდან უკვე გავიდა 27 წელი, საფრთხე კვლავ რეალურია.

მან აღნიშნა რომ სეისმურად ყველაზე აქტიური ნაწილი კორინთოს ყურის დასავლეთი ნაწილია.

ეს არის ტერიტორია ეგიონს, აკრატას და ერატინს შორის.

პროფესორ პაპადოპულოსის განმარტებით, თუ მიწისძვრა ხდება ზღვაში, ან თუნდაც სანაპირო ზოლში  და მისი სიმძლავრე აღემატება 6 ბალს, არსებობს ცუნამის გამოწვევის საფრთხეც, თუმცა კორინთოს ცუნამებს აქვთ თვისება, რომ არ შეუძლიათ დიდ მანძილზე გავრცელება, რადგან კორინთოს ყურე დახურული აუზია.

ჯერჯერობით მოსალოდნელ მიწისძვრაზე საუბარი მხოლოდ ვარაუდის დონეზე მიმდინარეობს,  თუმცა პრევენციული, დამცავი ზომების გატარება აუცილებელია, როგორც მთლიანი რეგიონის, ასევე ქვეყნის მასშტაბით- აღნიშნავს იგი.

საბერძნეთი: ყალბი მართვის მოწმობების გაცემის დანაშაულებრივი სქემა