Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

ლარისა: ევაკუაციისთვის მზადყოფნის ახალი შეტყობინება 112-დან ექვსი რაიონისთვის

დღეს, შაბათს, შუადღის 16.00 საათის შემდეგ ლარისას ექვს რაიონში კვლავ გაიგზავნა ევაკუაციისთვის მზადყოფნის შეტყობინება, რადგან წყლის დონე სახიფათო საზღვრებს ზემოთ რჩება.

კერძოდ, შეტყობინება გაეგზავნათ კატო რაფსანის, ტემპის, იტეას, გონის, მაკრიხორის, ევანგელიზმოს მოსახლეობას წყალდიდობის საფრთხის გამო მზადყოფნისკენ მოუწოდებით.

მუნიციპალიტეტის ინფორმაციით, მდინარის სიმაღლე 10 მეტრს აღწევს. მაშველები აგრძელებენ მცდელობებს, თუნდაც ნავებით გაათავისუფლონ მოსახლეობა.

ოპერაციებში ასევე მონაწილეობს ათობით მოხალისე, რომლებიც ლარისას მუნიციპალიტეტის სამსახურებთან ერთად აგრძელებენ ქვიშის ტომრების შევსებას, რომლებიც გამოიყენება სანაპიროებისთვის სადაც საჭიროა, სახლების მაქსიმალურად დასაცავად.

ამავდროულად, თესალიაში უზარმაზარი ტერიტორიები წყლის ქვეშ რჩება. განგაში გაისმა რაიონში, როდესაც მუშათა საცხოვრებელ სახლთან მდებარე ხიდზე დიდი ბზარი შენიშნეს. შედეგად, იგი მაშინვე ჩაითვალა საშიშად და დაიკეტა. ადგილზე უკვე იმყოფებიან ინჟინრები, რომლებიც ამოწმებენ ხიდის მდგრადობას, რათა შეაფასონ სიტუაცია.

მდინარის ადიდების შემდეგ წყალი მთავარ გზაზეც შევიდა, რის შედეგადაც იგი ვრცელ ტბად გადაიქცა. სწორედ აქამდე მოდიან სამაშველო ნავები, რომლებსაც  მაცხოვრებლები მუშათა საცხოვრებლიდან გადაჰყავს.

მეხანძრეები და მოხალისეები, სამხედრო და კერძო პირებთან ერთად ყოველ ღონეს ხმარობენ ლარისას დასახმარებლად-ამაგრებენ მდინარის ნაპირებს ინერტული მასალებით იმ მონაკვეთში, რომელიც კვეთს ქალაქს, გამოჰყავთ სახლებში ელექტროენერგიისა და წყლის გარეშე მომწყვდეული ადამიანები იმ ადგილებიდან, სადაც წყლის დონე მატულობს. ასევე, ექსპერტ მეცნიერთა ზედამხედველობით კეთდება ღიობები მდინარის ქალაქგარეთ მდებარე ნაწილებში, წყლის წნევის განმუხტვისა და მდინარის დონის სტაბილიზაციის მიზნით.

ამ დრომდე სიტუაცია შესამჩნევად დასტაბილურდა, თუმცა სამაშველო ოპერაციები ისევ გრძელდება.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *