საბერძნეთი: პოლიციამ მიგრანტების ტრეფიკინგის დანაშაულებრივი ქსელი დაშალა
ოთხშაბათს, 5აპრილს, ომონიაზე, ილიონსა და კატო პატისიაზე პოლიციის მიერ ჩატარებული სპეციალური ოპერაციის ფარგლებში გამოვლინდა კრიმინალური ორგანიზაცია, რომელიც თურქეთიდან საბერძნეთში მიგრანტების უკანონო ტრანსპორტირებასა და ტრეფიკინგში იყო ჩართული.
დანაშაულებრივი დაჯგუფების საერთო შემოსავალი 2,7მილიონ ევროს აჭარბებდა.
ისინი მოქმედებდნენ კარგად ორგანიზებული სქემით, ფლობდნენ სატრანსპორტო საშუალებების დიდ რაოდენობას, რითიც უზრუნველყოფდნენ საბერძნეთის ტერიტორიაზე შემოყვანილი მიგრანტების ტრანსპორტირებას.
დაკავებულია კრიმინალური ქსელის ხუთი წევრი, ორი უცხოელი, ხოლო სამი საბერძნეთის მოქალაქე.
მათ წინააღმდეგ აღიძრა საქმე დანაშაულებრივი ორგანიზაციის ფორმირებისა და წევრობის, ასევე მიგრანტებით ვაჭრობის, ყალბი მოწმობების დამზადების და ფულის გათეთრების ბრალდებით.
