კრიტი: უცნობმა პირებმა ძაღლს ზურგზე კაუსტიკური სითხე გადაასხეს

კრიტზე ხანიას ცხოველთა დაცვის საზოგადოება ძაღლზე  ძალადობის წარმოუდგენელი შემთხვევის შესახებ ინფორმაციას ავრცელებს.

ორგანიზაციის მიერ გაკეთებული განცხადების  თანახმად, ძაღლი  ქუჩაში იპოვეს უზარმაზარი ჭრილობით ზურგზე.  მუნიციპალიტეტის წარმომადგენლებმა ცხოველი მაშინვე ვეტერინართან მიიყვანეს, რომელმაც დაადგინა, რომ უცნობმა პირებმა მას ზურგზე კაუსტიკური სითხე გადაასხეს, რამაც ძლიერი დამწვრობა გამოიწვია.

ვეტერინარმა დაიწყო ცხოველის  მკურნალობა, ამჟამად კი ეძებენ  სახლს მის დასაბინავებლად.