პატრა: ქალების წყვილი ერთმანეთს ოჯახურ ძალადობასა და გაუპატიურებაში ადანაშაულებს

ხუთშაბათს ღამით პატიმრობით დასრულდა ერთმანეთთან რომანტიულ ურთიერთობაში მყოფ ორ 29 და 37 წლის ქალს შორის ინციდენტი, როდესაც მათ ერთმანეთს ოჯახური ძალადობის გამო უჩივლეს.

37 წლის ქალის განცხადებით, ის პატრაში, საკუთარ სახლში ბრუნდებოდა, სადაც მას 29 წლის მეგობარი ქალი ელოდა, რომელმაც მას სახლში მისვლისთანავე ფიზიკური შეურაცხყოფა მიაყენა, სახეში დაარტყა და დაემუქრა.

გავრცელებული ინფორმაციით, მუქარა ინტერნეტში სამი წლის წინ გამოქვეყნებულ, სექსუალური ინციდენტის ამსახველ ვიდეოს უკავშირდება.

შემდეგ ორივე ქალმა ერთმანეთი სექსუალური ხასიათის ძალადობაში დაადანაშაულა, რის შედეგადაც ორივე მათგანი დააკავეს.

სხვადასხვა საკანში მოთავსებულ ორივე ქალს დღეს პროკურატურაში გადაიყვანენ.