სალონიკი: ავარიის შედეგად ავტომანქანა ტავერნის ტერიტორიაზე შევარდა

ორშაბათს, თესალონიკში მდებარე ერთ-ერთი ტავერნის კლიენტები შოკში აღმოჩნდნენ, როდესაც მოულოდნელად ავტოავარია მოხდა სწორედ იმ ადგილას, სადაც მათი მაგიდები იყო განლაგებული.

როგორც უსაფრთხოების კამერების ჩანაწერებში ჩანს, ვასილეოს გეორგიუს ქუჩაზე მდებარე ტავერნის კუთვნილ ღია ტერიტორიაზე, ტროტუარის გვერდით განლაგებული მაგიდები სავსე იყო სტუმრებით, როდესაც ტროტუართან გაჩერებულ მანქანას მეორე მანქანა დაეჯახა და გაჩერებული მანქანა დარტყმის შედეგად შიგნით შევარდა.

ტავერნაში მყოფი მომხმარებლებიდან საბედნიეროდ არავინ დაშავებულა, ამ დრომდე გაურკვეველი რჩება რა მოხდა კონკრეტულად და რა იყო ავარიის გამომწვევი მიზეზი.