ელენი ტოპალუდის მკვლელობისთვის მსჯავრდებულთა სააპელაციო საჩივარი არ დაკმაყოფილდა-ისინი სამუდამო პატიმრობაში რჩებიან
2018 წლის ნოემბერში კუნძულ როდოსზე ახალგაზრდა სტუდენტის, ელენი ტოპალუდის მკვლობისთვის მსჯავრდებულთა სააპელაციო მოთხოვნა უზენაესი სასამართლოს პროკურორმა არ დააკმაყოფილა.
კერძოდ, უზენაესი სასამართლოს სისხლის სამართლის მე- 6 სამმართველოში 26 წლის როდიტის და მისი 24 წლის ალბანური წარმოშობის თანაბრალდებულის მიერ შეტანილი იქნა საჩივრები, რომლებსაც მოსამართლეებისა და ნაფიცი მსაჯულების ერთობლივი გადაწყვეტილებით მიუსაჯეს სამუდამო თავისუფლების აღკვეთა ელენი ტოპალუდის მკვლელობისა და გაუპატიურებისთვის. სააპელაციო სასამართლომ მათთვის შემამსუბუქებელი გარემოებები არ სცნო.
ორივე მსჯავრდებული ამტკიცებდა, რომ სააპელაციო სასამართლოში მათი საქმის განხილვისას დაირღვა მათი უდანაშაულობის პრეზუმფცია და გამოტანილი იქნა არასამართლიანი განაჩენი. ისინი ასევე ამტკიცებდნენ, რომ სასამართლომ არ გაითვალისწინა სერიოზული მტკიცებულებები და საბოლოოდ შემამსუბუქებელი გარემოებები საქმეში არ იქნა გათვალისწინებული.
თავის მხრივ, პროკურორის წინადადებას დაეთანხმნენ ტოპალუდის ოჯახის ადვოკატები და აღნიშნეს, რომ შესაბამის გადაწყვეტილებას კანონითა და კონსტიტუციით გათვალისწინებული კონკრეტული და დეტალური დასაბუთება აქვს.
ფაქტობრივად, როგორც ბრალდების მხარდამჭერმა ერთ-ერთმა ადვოკატმა, ალექსის კუგიამ განაცხადა, სააპელაციო სასამართლოში ორი მსჯავრდებულის სასამართლო პროცესის დროს დაცული იყო სამართლიანი სასამართლოს ყველა დებულება.
ამის საპირისპიროდ, მსჯავრდებულთა ადვოკატებმა დეტალურად დაუჭირეს მხარი სააპელაციო საჩივრის მიზეზებს და მოითხოვეს სააპელაციო სასამართლოს გადაწყვეტილების ბათილად ცნობა.
უახლოეს პერიოდში უზენაესი სასამართლოს მიერ საბოლოო გადაწყვეტილების მიღებას ელოდებიან.
