ქაოსი სკიათოს აეროპორტში: თვითმფრინავი აფრინდა და ტურისტები ჰაერში აიტაცა
სკიათოს “ალექსანდროს პაპადიამადის” აეროპორტი ალბათ ყველაზე საშიში აეროპორტია საბერძნეთში, რადგან ასაფრენ ბილიკთან ძალიან ახლოს არის პლაჟი და შესაბამისად იქ მყოფებს შეუძლიათ დასაშვებზე ახლო მანძილზე მივიდნენ თვითმფრინავებთან.
არსებობს რამდენიმე ნიშანი, რომელიც აფრთხილებს იქ მყოფებს, რომ არ მიუახლოვდნენ ასაფრენ ბილიკს, თუმცა მიუხედავად ამისა სანაპიროზე კუნძულის აეროპორტის გვერდით ყოველდღე იკრიბებიან ადამიანები, რათა აღმოჩნდნენ თვითმფრინავებთან ახლოს და აღბეჭდონ ეს მომენტი ფოტოზე, ან გადაიღონ ვიდეო.
გასულ კვირას ბრიტანელი ტურისტის მიერ სოციალურ ქსელში ატვირთული ვიდეოდან ჩანს, რომ სკიათოს აეროპორტში საშიში სიტუაცია შეიქმნა, როდესაც თვითმფრინავის ძრავის სიმძლავრემ ახლოს მდგომი ადამიანები პირდაპირი გაგებით ჰაერში აიტაცა და ძირს დასცა,
მსგავსი შემთხვევა სკიათოს აეროპორტში წარსულშიც საკმაოდ ხშირად მომხდარა, რა დროსაც რამდენიმე ადამიანი კიდეც დაშავდა, თუმცა სიტუაცია დღემდე არ იცვლება.
