Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
მსოფლიოსაზოგადოება

შვედეთი: ახალგაზრდები უკავშირდებიან ბანდებს და ითხოვენ მკვლელობების შეკვეთას, აცხადებს პოლიცია

სულ უფრო მეტი ახალგაზრდა ერთვება ბანდების ომში,  რომელიც შვედეთში ბოლო თვეებში მძვინვარებს, განაცხადა პარასკევს ქვეყნის ეროვნული პოლიციის ხელმძღვანელმა მას შემდეგ რაც სამი ადამიანი დაიღუპა შოკისმომგვრელ ძალადობრივ ინციდენტებში ბოლო 24 საათის განმავლობაში.

“ჩვენ ვართ სიტუაციაში, როდესაც ახალგაზრდები დამოუკიდებლად უკავშირდებიან კრიმინალურ ორგანიზაციებს და ითხოვენ მკვლელობების შეკვეთას,”- განაცხადა შვედეთის პოლიციის უფროსმა ანდერს თორნბერგმა პრესკონფერენციაზე.

შვედეთში ემიგრანტების გაზრდილმა ნაკადებმა ქვეყანა კრიმინოგენული აფეთქების საფრთხის წინაშე დააყენა. დიდი ხანია სერიოზულ პრობლემად იქცა ძალადობის გახშირებული შემთხვევები, რომელიც დაკავშირებულია კონკურენტ დაჯგუფებებთან და ბანდებთან, რომლებიც იბრძვიან ნარკოტიკებითა და იარაღით ვაჭრობაზე კონტროლის ხელში ასაღებად.

ძალადობის შემთხვევები განსაკუთრებით გამწვავდა ბოლო თვეებში მომხდარი დაპირისპირების გამო, რომელიც დაიწყო ერთ-ერთ ამ ბანდაში. სროლები და აფეთქებები თითქმის ყოველდღიური მოვლენა გახდა.

“კრიმინალები დაუნდობლები არიან, ისინი იყენებენ ბანდების მიღმა ადამიანებს, ხშირად არასრულწლოვანებს. ისინი „აძლევენ მათ იარაღს და მიმართულებას, რომ შეტევაზე წავიდნენ,”- აცხადებს თორნბერგი.

სახელმწიფო ტელევიზიის SVT-ის მონაცემებით, სექტემბერში სროლებსა და აფეთქებებს 12 ადამიანი ემსხვერპლა, რაც ყველაზე მაღალი მაჩვენებელია ერთ თვეში ბოლო ოთხი წლის განმავლობაში.

ოთხშაბათს და ხუთშაბათის ღამეს სამი მკვლელობა დაფიქსირდა, რომელთა მსხვერპლი 18 წლის ახალგაზრდა და 25 წლის ქალი არიან.

მატს ლინდსტრომი, პოლიციის ოფიცერი სტოკჰოლმის რაიონში, რომელმაც შეისწავლა მრავალი გზავნილი, რომლითაც მკვლელობების ბრძანება გაიცა, ადასტურებს, რომ ხშირად ახალგაზრდები თვითონ ითხოვენ ამ “კონტრაქტების” აღებას.

„ჩვენ ვხედავთ, რომ წერენ: არის კონტრაქტები? მე და ჩემი მეგობარი 200 000 კრონად ვართ ხელმისაწვდომი“, – განმარტა მან. ამას აკეთებენ იმისთვის, რომ მოიპოვონ სტატუსი, გახდნენ დამნაშავეთა წრეში გავლენიანი ფიგურა.”- ამბობს ის.

ხუთშაბათს შვედეთის პრემიერ მინისტრმა ულფ კრისტერსონმა განაცხადა, რომ ის დახმარებას სთხოვს სამხედროებს, რათა დაეხმარონ პოლიციას ძალადობის აღკვეთის მიმართულებით მუშაობაში.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *