საბერძნეთი: უშიშროება იძებს უცნაურ საქმეს, რომელშიც პოლიციის თანამშრომელი ფიგურირებს
უშიშროების ორგანოები ბოლო რამდენიმე საათის განმავლობაში უცნაურ საქმეს იძიებენ, რომელშიც ფიგურირებს პოლიციის თანამშრომელიც.
კერძოდ, გამთენიისას, პოლიციამ ათენის ცენტრში შემოწმების მიზნით გააჩერა მანქანა, რომელშიც ოთხ მგზავრს შორის აღმოაჩინეს პოლიციის თანამშრომელი, რომელსაც თან ჰქონდა დანა. ყველა მათგანი პოლიციის განყოფილებაში მიიყვანეს, სადაც დადგინდა, რომ დაკავებულთაგან, გარდა პოლიციელისა, ორი ალბანელი და ერთი ბოშა პოლიციის მიერ წარსულში აღრიცხვაზე იყვნენ აყვანილი, ხოლო მანქანაში იპოვეს იარაღები, რომლებიც ქურდობისთვის გამოიყენება.
პოლიციელის ჩხრეკისას მის პირად ნივთებში იპოვეს იარაღის ფოტოები, ასევე ნახევრად შიშველი ქალების ფოტოები და ახლა პოლიცია განიხილავს საკითხს, უნდა დაიწყოს თუ არა შინაგან საქმეთა დეპარტამენტმა აღნიშნულ ფაქტზე შემდგომი გამოძიება.
