წმინდა ცეცხლს იერუსალიმიდან საბერძნეთში სპეციალური რეისით შაბათს შუადღეს ჩამოიტანენ

ბერძნული ავიაკომპანია ეგეოსის ავიახაზები ხვალ, დიდ შაბათს,  დილით შეასრულებს  სპეციალურ ავიარეისს ათენი- იერუსალიმის მიმართულებით,  იერუსალიმიდან  საბერძნეთში  წმინდა ცეცხლის ჩამოსატანად.

თვითმფრინავის ბორტზე იქნება საგარეო საქმეთა მინისტრის მოადგილე ანდრეას კაცანიოტისი, რომელიც აღდგომის  ტაძარში წმინდა ცეცხლის გადმოსვლის ცერემონიას დაესწრება.

საგარეო საქმეთა მინისტრი წმინდა ცეცხლს იერუსალიმის პატრიარქისგან, თეოფილე მესამესგან მიიღებს, რომელთანაც ასევე გაიმართება შეხვედრა.

წმინდა ცეცხლის ჩამოსვლას ელეფთერიოს ვენიზელოს სახელობის აეროპორტში დაახლოებით 19:30 საათზე  ელიან.

ცეცხლის ჩამოტანის ცერემონიალში საგარეო საქმეთა მინისტრის მოადგილის გარდა მონაწილეობას იღებენ ეგზარქოსი არქიმანდრიტი რაფაელი, მართლმადიდებელი სინოდი და სინოდის წევრები და  ასევე პოლიტიკური პარტიების წარმომადგენლები.