ალექსის კუგიასი კასელაკისის შესახებ: “საბერძნეთში დასასვენებლად ჩამოვიდა და პარტიის ლიდერი გახდა, რას ელოდებით?”
გავრცელებული ინფორმაციით პარტია “სირიზას” ლიდერი სტეფანოს კასელაკისი ნიუ-იორკში იმყოფება რათა ოფიციალურად გააფორმოს ურთიერთობა თავის პარტნიორთან ტაილ მაკბეტთან.
სტეფანოს კასელაკისის ქორწილს ნიუ – იორკში თავისებურად გამოეხმაურა ცნობილი ადვოკატი ალექსის კუგიასი ANT1-ის გადაცემაში “To Proinono” საუბრისას.
ის ეცადა გულგრილი დამოკიდებულებით დაეფიქსირებინა თავისი პოზიცია ფაქტის მიმართ, მაგრამ საბოლოოდ არ გამოუვიდა.
როგორც ალექსის კუგიასმა აღნიშნა, მან არ იცოდა, რომ SYRIZA-ს პრეზიდენტი ნიუ-იორკში ქორწინდებოდა და დასძინა:
„ეს არ ვიცოდი, უფრო სერიოზული საკითხები მქონდა მოსაგვარებელი. გუშინ გვიანობამდე მქონდა ძალიან სერიოზული სასამართლო პროცესი და არ ვიცი როდის გამოცხადდა ეს ამბავი და არც მაინტერესებს.
კაცი საბერძნეთში შვებულების გასატარებლად და სამხედრო ვალდებულების მოსახდელად ჩამოვიდა და პარტიის ლიდერად დანიშნეს. რას ელოდებით? რამე უკეთესს ელით? მან დატოვა არჩევნები, რათა წასულიყო და დაქორწინებულიყო თავის მედდა პარტნიორზე.
სხვა ცნობილი ბერძენი ჰომოსექსუალებიც დაქორწინდნენ საზღვარგარეთ, გაცილებით ცნობილი და დაფასებული პიროვნებები, ხელოვანები, ბიზნესმენები მაგრამ ამხელა აჟიოტაჟი არ მოჰყოლია. მე თვითონ აღმოვჩნდი ბერძენი ბიზნესმენის ერთსქესიანთა ქორწინებაში, რომელიც დაქორწინდა ჰოლანდიაში.
ცუდად გვაქვს საქმე ჩვენც და მათაც, ვინც ის პარტიის ლიდერად აირჩია, რადგან ასეთ დიდი მნიშვნელობას ვანიჭებთ და ამდენ დროს ვუთმობთ ამ ადამიანს. უნდა შევწყვიტოთ მასთან და მის ნიღბებთან ურთიერთობა.”- ამბობს ის სტეფანოს კასელაკისის შესახებ.
ვიდეო:
