შემზარავი მკვლელობა თესალონიკში: მამამ საკუთარი ქალიშვილი მოკლა

ვრცელდება ინფორმაცია მამის მიერ საკუთარი ქალიშვილის შოკისმომგვრელი მკვლელობის შესახებ, რომელიც სამშაბათს ნაშუადღევს, თესალონიკში მოხდა.

69 წლის მამამ საკუთარი ხელით მოკლა 42 წლის ქალიშვილი, რომელიც 14 წლიდან გაფანტული სკლეროზით იყო დაავადებული და ინვალიდის ეტლში იმყოფებოდა.

გავრცელებული ინფორმაციით, გარდაცვლილი ძმამ აღმოაჩინა მეტეორონის ქუჩაზე, საცხოვრებელ ბინაში, რის შემდეგაც მივიდა მამის სახლში, ტუმბას რაიონში, რომ მამისთვის ეცნობებინა მომხდარის შესახებ და იპოვა ის მუცლის არეში წყლის სათევზაო თოფით დაჭრილი.

სავარაუდოდ სწორედ იქ მამამ უთხრა შვილს, რომ მან მოკლა მისი ქალიშვილი, რადგან ვეღარ უძლებდა ავადმყოფობის გამო მის ასეთ მდგომარეობაში ყოფნას და შემდეგ თავის მოკვლა სცადა.

69 წლის მამაკაცი სასწრაფო დახმარების მანქანით ჰიპოკრატეს საავადმყოფოში გადაიყვანეს, სადაც სამედიცინო დახმარება აღმოუჩინეს.