უბედური შემთხვევა თესალონიკში: შშმ მამაკაცი ინვალიდის ეტლით ლიფტის შახტაში ჩავარდა

დღეს თესალონიკში 78 წლის ეტლით მოსარგებლე,  შეზღუდული შესაძლებლობების მქონე ხანდაზმული მამაკაცი ტრაგიკულად გარდაიცვალა.

უბედური შემთხვევა ხარილაუში, მარასლის ქუჩაზე მდებარე საცხოვრებელ კორპუსში მოხდა.  78 წლის მამაკაცი სავარაუდოდ  ეტლით ლიფტში შესვლას ცდილობდა, თუმცა, როგორც ჩანს ლიფტის კარის გაღებისას კაბინა ადგილზე არ აღმოჩნდა და ხანდაზმული ეტლით შახტაში ჩავარდა.

შემთხვევის შესახებ სასწრაფოდ შეატყობინეს სახანძრო სამსახურს. მაშველთა ჯგუფმა  14:00 საათის შემდეგ დაიწყო  მამაკაცის შახტიდან გამოყვანის ოპერაცია, რა დროსაც ის მიღებული დაზიანებების შედეგად გარდაიცვალა.

შემთხვევის ადგილზე სახანძრო სამსახურის სამი მანქანა რვა მეხანძრე-მაშველით იყო მობილიზებული.

საბოლოოდ, სასწრაფო დახმარების ჯგუფმა გარდაცვლილის ცხედარი საავადმყოფოში გადაასვენა.