Balenciaga: აჟიოტაჟი 695 ევროდ ღირებული ქვედაბოლოს გამო, რომელიც პირსახოცისგან არის შექმნილი

მოდის სამყარო მიჩვეულია საზოგადოების პროვოცირებას იმ უჩვეულო, არატრადიციული და გამომწვევი ტანსაცმლით, რომელსაც ის ბაზარზე წარადგენს, ამის კიდევ ერთი დასტურია მაღალი მოდის სახლის “ბალენსიაგას” ტანსაცმლის ხაზის უახლესი მოდელი, რომელშიც, თუმცა განსაკუთრებული და ალტერნატიული არაფერი იყო, მაგრამ ძალიან სწრაფად გაიყიდა.

საუბარია 695 ევროდ ღირებულ ქვედაკაბა-პირსახოცზე, დამზადებული ჩვეულებრივი ბამბის პირსახოცისგან, რომელიც ზუსტად ისე გამოიყურება, როგორც პირსახოცი, რომელსაც ადამიანები შხაპის შემდეგ საჩქაროდ შემოიხვევენ ხოლმე წელზე, მაგრამ პირსახოცისგან განსხვავებით, რომელიც ხშირად იხსნება, ამ  ქვედაკაბას აქვს ორი ღილი შუაში, ამიტომ მისი ჩამოვარდნის რისკი აშკარად არ არსებობს.

მაგალითად ავეჯისა და სახლის დეკორაციის შვედურმა კომპანიამ „IKEA“ -მ “დატროლა” მდიდრული ბრენდი და გამოაქვეყნა მოდელის ფოტო, რომელიც კოპირებს “ბალენსიაგას” პროდუქტს 16 ევროდ. მათ აჩვენეს თავიანთი მოდელი, რომელსაც ეცვა Balenciaga-ს პირსახოცის მსგავსი პირსახოცი შავ კაპიუშონიან მაისურთან ერთად, მკვეთრი შავი სათვალეებით, კრემისფერი შარვლით და შავი ფეხსაცმლით.