Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთისაზოგადოება

ათიდან სამი ბერძენი იმაზე მეტს ხარჯავს, ვიდრე მისი ყოველთვიური შემოსავალია

კვლევებმა აჩვენა, რომ ათიდან თითქმის სამი ბერძენი მომხმარებელი ყოველთვიურად ხარჯავს იმაზე მეტს, რის საშუალებასაც მისი ყოველთვიური შემოსავალი იძლევა.  მათი კონკრეტული, გადაჭარბებული ხარჯები თვეში 275 ევროს აღწევს. ევროპაში ეს ფენომენი გამოხატულია ასევე მხოლოდ ნორვეგიასა და ირლანდიაში, სადაც იმ მოსახლეობის  პროცენტული რაოდენობა, ვინც ხარჯავს თავის შემოსავალზე მეტს, აღწევს 33% და 32%.

მაჩვენებლები ასახულია პრეტენზიების მართვის კომპანიის Intrum-ის წლიურ ანგარიშში, სადაც ასევე აღნიშნულია, რომ ევროპაში მოსახლეობის მიერ გაწეული ზედმეტი ხარჯების საშუალო მაჩვენებელი არის 232 ევრო თვეში და რომ ევროპელი მომხმარებლების 49% ამბობს, რომ გაცილებით ნაკლები ფული რჩება ჯიბეში გადასახადების გადახდის შემდეგ, ვიდრე გასულ წელს. გარდა ამისა, 35% ამბობს, რომ მათ დააგვიანეს მინიმუმ ერთი გადასახადის გადახდა ბოლო 12 თვის განმავლობაში, რაც ყველაზე მაღალი მაჩვენებელია ბოლო ხუთი წლის განმავლობაში.

ანგარიში ასევე ცხადყოფს, რომ ევროპაში ყოველი მეხუთე ამბობს,რომ საერთოდ არ აქვს დანაზოგი, ხოლო 17% ამბობს, რომ აქვს, მაგრამ რაოდენობა არ აღემატება მის ყოველთვიურ შემოსავალს.

ამავდროულად, ბერძენი მომხმარებლები აღნიშნავენ, რომ მათ არ შეუძლიათ მართონ მათი მრავალჯერადი ონლაინ გადახდები 67%-ით, რაც ყველაზე მაღალი მაჩვენებელია ევროპაში. როგორც ანგარიშში აღნიშნულია, ციფრული პლატფორმების ხელმოწერების გადახდა აუდიო-ვიზუალური შინაარსისთვის, ვიდეო თამაშებისთვის, ონლაინ პროდუქტების შესყიდვის ბაზრებისთვის და საკვების შეკვეთისთვისაც კი იწვევს საკრედიტო ბარათებიდან თანხის გადინებას ისე, რომ მომხმარებელს არ შეუძლია ადვილად გააკონტროლოს კონკრეტული ფინანსური ოპერაცია. ამ ფენომენში მეორე ადგილზეა ირლანდია 62 პროცენტით, მესამეზე ფინეთი (55%) და მეოთხეზე გაერთიანებული სამეფო (53%).

ასევე აღნიშნულია, რომ „იყიდე ახლა, გადაიხადე მოგვიანებით“ მოდელის შოპინგის დროსაც კი, რომელიც საბერძნეთში პოპულარული გახდა ბოლო წლებში, ბერძნების 55%-ს უჭირს იმის გარკვევა, თუ როდის და რამდენი უნდა გადაიხადონ.

აქედან გამომდინარე გასაკვირი არ არის, რომ ბერძენი მომხმარებლები ევროპაში ყველაზე პესიმისტურად განწყობილნი არიან უახლოეს მომავალში მათი ეკონომიკური მდგომარეობის გაუმჯობესების თვალსაზრისით.

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *