ოსკაროსანი მსახიობი აღდგომას საბერძნეთში შეხვდა

ჰოლივუდის ცნობილი და პოპულარული მსახიობი  ტომ ჰენკსი მეუღლესთან, რიტა უილსონთან ერთად საბერძნეთში იმყოფება.

ისინი აღდგომის დღესასწაულს ეკლესიაში შეხვდნენ და  ცერემონიაში მონაწილეობის ამსახველი ფოტოები, ინგლისურ და ბერძნულ ენაზე დატანილი   მისალოცი ტექსტებით  სოციალურ ქსელში გამოაქვეყნეს.

ტომ ჰენკსს და მის მეუღლეს საბერძნეთთან, მის ტრადიციებთან და მართლმადიდებლურ სარწმუნოებასთან  განსაკუთრებული დამოკიდებულება აკავშირებთ, ამის დასტურია ბერძნული პასპორტები, რომელიც მათ პრემიერ მინისტრმა კირიაკოს მიცოტაკმა გადასცა 2020 წელს.

მსახიობის მეუღლე რიტა უილსონი არასოდეს ივიწყებს თავის ბერძნულ წარმომავლობას.

წყვილი თითქმის ყოველ ზაფხულს და არამარტო, საბერძნეთის ერთ- ერთ ულამაზეს  კუნძულზე, ანტიპაროზე    ატარებს.

ტომ ჰენკსი, რომელიც ახლა მართლმადიდებლურად არის მონათლული და ბერძნულ მოქალაქეობას ატარებს, ყოველთვის  განსაკუთრებული პატივისცემით და მადლიერების გრძნობით  საუბრობს თავის მოგონებებში საბერძნეთთან დაკავშირებით და ხაზს უსვამს  მის განსაკუთრებულ სიყვარულს ქვეყნის მიმართ.