ევია: ავტოსაგზაო შემთხვევამ 33 წლის მოტოციკლეტისტის სიცოცხლე იმსხვერპლა

ევია: ავტოსაგზაო შემთხვევამ 33 წლის მოტოციკლეტისტის სიცოცხლე იმსხვერპლა

კვირას, 14 სექტემბერს დილით მომხდარმა ავარიამ 33 წლის მოტოციკლეტისტის სიცოცხლე იმსხვერპლა.

evima.gr-ის მიერ გავრცელებული ინფორმაციის თანახმად უბედური შემთხვევა ხალკიდა-არტაკის გზაზე მოხდა. მოტოციკლეტი, რომელსაც 33 წლის ბიჭი მართავდა გზის სავალი ნაწილიდან გადავარდა და ცეცხლის ალში გაეხვია.

შემთხვევის ადგილზე დაუყოვნებლივ გამოცხადდა სახანძრო სამსახური და სასწრაფო დახმარების ბრიგადა.

დაშავებული ხალკიდას საავადმყოფოში გადაიყვანეს.

თვითმხილველები აცხადებენ, რომ უბედური შემთხვევა ტრაილერმა გამოიწვია, რომელმაც საგზაო მოძრაობის წესებით დარღვევით გადაუხვია მარცხნივ. მოტოციკლეტისტი ტრაილერის უკანა ნაწილს შეეჯახა და სწორედ ამიტომ გადავარდა გზიდან.

შეჯახება იმდენად ძლიერი იყო, რომ ამოყირავებული მოტოციკლეტი ინერციით 200 მეტრის მანძილზე გასრიალდა.