ილონ მასკი შვილით ხელში თურქეთის პრეზიდენტს შეხვდა
კვირას ნიუ-იორკში, ე.წ. “თურქების სახლში” ილონ მასკი პრეზიდენტ ერდოღანს მცირეწლოვანი შვილით ხელში შეხვდა.
ერდოღანმა პატარა ბიჭს ბურთი შესთავაზა, ცოტა ხნის შემდეგ კი ილონ მასკს კამერების წინ ჰკითხა თუ სად იყო მისი ცოლი.
52 წლის მასკი უხერხულად იცინოდა. მას სამი სხვადასხვა პარტნიორისგან 10 შვილი ჰყავს. მან ერდოღანს უპასუხა, რომ ბავშვის დედა სან -ფრანცისკოშია, ცოტა ხნის შემდეგ კი დაამატა, რომ ისინი განქორწინდნენ და ის ძირითადად პატარას უვლის.
მასკს 2020 წელს კანადელ მომღერალ გრაიმსთან ბიჭი, სახელად X AE A- XII ეყოლა. მათ კიდევ ორი საერთო შვილი ჰყავთ.
გუშინდელი შეხვედრის დროს შენობაში, სადაც განთავსებულია თურქეთის მუდმივი მისია გაეროში, ერდოღანმა მოუწოდა Tesla-ს აღმასრულებელ დირექტორს ააშენოს თავისი რიგით მეშვიდე ავტომწარმოებელი ქარხანა თურქეთში.
ერდოღანმა ასევე გააკეთა მინიშნება, რომ განიხილავს SpaceX-ის თურქეთის კოსმოსურ პროგრამასთან ერთობლივი თანამშრომლობის საკითხს და მასკი მიიწვია ავიაკოსმოსური ტექნოლოგიების ფესტივალზე, რომელიც ამ თვის ბოლოს იზმირში გაიმართება.
