ირანი მოუწოდებს მუსულმანურ ქვეყნებს გაერთიანდნენ  ისრაელის წინააღმდეგ

ირანის პრეზიდენტმა იბრაჰიმ რაისიმ დღეს მოუწოდა მუსულმანურ და არაბულ ქვეყნებს „კოორდინირდნენ“ რათა „შეაჩერონ ისრაელის დანაშაულები ღაზას წინააღმდეგ.”

“დღეს, ყველა მუსლიმი და არაბული ქვეყანა, დედამიწის ყველა თავისუფალი ხალხი უნდა გაერთიანდეს და კოორდინაცია გაუწიოს სიონისტური რეჟიმის დანაშაულებს ჩაგრული პალესტინელი ერის წინააღმდეგ”, – თქვა რაისიმ ოთხშაბათს, გვიან საღამოს სირიის პრეზიდენტ ბაშარ ალ-ასადთან გამართულ სატელეფონო საუბრისას.

„ირანის ისლამური რესპუბლიკა შეეცდება მიაღწიოს ამ კოორდინაციას რაც შეიძლება მალე მუსლიმური ქვეყნების ლიდერებთან დაკავშირების გზით“, – დასძინა მან.

სირიის პრეზიდენტთან საუბარში რაისიმ აღნიშნა, რომ “ყველა საერთაშორისო შეთანხმების საწინააღმდეგოდ”, ისრაელი “ალყაში აქცევს ღაზას და ართმევს ჩაგრულ მოსახლეობას წყალს, ელექტროენერგიას, წამლებს და საწვავს”.

თავის მხრივ, სირიის პრეზიდენტმა ასადმა ხაზი გაუსვა არაბული და მუსულმანური ქვეყნების “სწრაფი ქმედების აუცილებლობას პალესტინელი ხალხის დასაცავად და ისრაელის თავდასხმების შესაჩერებლად ბავშვებისა და ქალების მიმართ ღაზაში.” აღსანიშნავია, რომ ირანი იყო ერთ-ერთი პირველი ქვეყანა, ვინც მიესალმა შაბათს ჰამასის მოულოდნელ სისხლიან  თავდასხმას ისრაელზე.

ირანული და საუდის მედიის ცნობით, ირანის პრეზიდენტი ასევე დაუკავშირდა საუდის არაბეთის მემკვიდრე პრინცს მუჰამედ ბინ სალმანს.

საუდის არაბეთის მედია დღეს იტყობინება, რომ საუდის არაბეთის მეფისნაცვალმა და ირანის პრეზიდენტმა გუშინ ტელეფონით განიხილეს ომი ისრაელსა და ჰამასს შორის.

საუდის არაბეთის დე ფაქტო ლიდერმა გუშინ მიიღო სატელეფონო ზარი ირანის პრეზიდენტისგან, სადაც განიხილეს “მიმდინარე სამხედრო მდგომარეობა ღაზასა და მის შემოგარენში”, იტყობინება საუდის ოფიციალური საინფორმაციო სააგენტო SPA.

საუდის არაბეთის მეფისნაცვალმა თავის ირანელ კოლეგას განუცხადა, რომ რიადი “კომუნიკაციას უწევს ყველა საერთაშორისო და რეგიონულ მხარეს, რათა ბოლო მოეღოს მიმდინარე ესკალაციას”, იტყობინება SPA. მან ასევე ხაზი გაუსვა “სამეფოს მტკიცე პოზიციას პალესტინის სასარგებლოდ”, დასძინა მან.

ირანის ოფიციალური საინფორმაციო სააგენტო IRNA ასევე იტყობინება სატელეფონო საუბრის შესახებ და აღნიშნა, რომ ორმა ლიდერმა განიხილა “პალესტინის წინააღმდეგ სამხედრო დანაშაულების დასრულების აუცილებლობა”.

საუდის არაბეთის 38 წლის მეფისნაცვალს გუშინ სატელეფონო საუბარი ჰქონდა თურქეთის პრეზიდენტ რეჯეფ თაიფ ერდოღანთანაც, რა დროსაც მან განაცხადა, რომ ის “ავითარებს ძალისხმევას რეგიონალური და საერთაშორისო კომუნიკაციისთვის, რათა მიაღწიოს კოორდინაციას, რომელიც საშუალებას მისცემს დასრულდეს მიმდინარე ესკალაცია”.

საუდის არაბეთის ლიდერმა მსგავსი გზავნილი გაუგზავნა საფრანგეთის პრეზიდენტს ემანუელ მაკრონს, სადაც ხაზგასმით აღნიშნა, რომ რიადი მუშაობს “სტაბილურობის პირობების შესაქმნელად და მშვიდობისკენ მიმავალი გზის აღსადგენად და იმის უზრუნველსაყოფად, რომ პალესტინელი ხალხი შეძლებს განახორციელოს სამართლიანობა და მისი კანონიერი უფლებები”. – ნათქვამია საგარეო საქმეთა სამინისტროს განცხადებაში, რომელიც დღეს დილით სოციალურ ქსელში გამოქვეყნდა.